金蘭花泰國菜館

營業中

休息中

如果話夏天係食泰菜既季節，應該無人會反對，如果話食泰菜就要去九龍城，應該都唔會有人反對。呢晚同朋友兜左幾個圈，望到呢度入面都幾有人氣，一於入去湊下熱鬧我揀左個冬蔭功湯粉絲花蛤，老闆話花蛤呢一兩個月最盛產。果真冇介紹錯，食落都幾肥嫩鮮甜，再配埋冬蔭功既香辣，唔錯！不過份量少左D，如果再大碗少少就更加好喇。鹽燒鰂魚，魚肚入面塞滿切碎左既香茅、南薑、香葉等泰式香料，令魚肉的嫰滑鮮甜更為突出，充滿泰式風味。餐廳環境比較嘈同埋坐得迫，但食物質素同性價比都算高，大家下次黎開九龍城不坊一試。