坤記牛腩 (已結業)

九龍城有很多美食 不過，好多時都是去食泰國菜 其實牛腩河都不錯的 本來與囡囡諗住去買餸返屋企煮飯仔 點知個儍妺話肚餓，又咁啱見到坤記門口報章雜誌的介紹 ... 這兒是用供應數量不多，每日屠宰供港的新鮮騸牯牛 隻隻騸牯牛都要四歲大，因為咁至肥瘦均勻 怪不得這碗坑腩河的肉質特別軟腍，豐膄軟滑，食落去入口即化一樣 好耐無食伊麵，見到餐牌上有 ... 上湯牛筋腩撈伊麵 ... 即點一碟 我這碟的牛腩無坑腩咁肥咁腍，肉質一咬就鬆開，肉膜相連食起來有少少咬口 仲有充滿骨膠原的牛筋 ... 特別吩咐姐姐幫我加多少少腩汁 伊麵不會煮到太腍，彈牙又有油香，吸了牛腩汁好好味 仲有記住飲埋碗上湯，是用牛骨熬製而成的，牛味濃郁，好鮮甜 ** 以上分享是以我的口味、喜好和情況作出分享和感受，一試 / 合用與否請自行決定