影片
更多
2021-12-17
1445 瀏覽
九龍城出名食泰國菜，好多唔同選擇，但食過咁多間都係覺得呢間最好食最正宗，店舖好細間，環境比較簡陋啲，膠橙摺檯，好地道泰國風味，店舖入面全部都係泰國人😂😂真心由細食到大，味道一直keep到，價錢又唔貴，炒粉飯都係$50-$60，真係驚推薦比大家，到時冇位去食😂串燒係必叫，燒得香口又唔乾！以下呢幾樣去到都係必食必叫😆佢有兩個汁比你，一個係花生甜甜地嘅沙爹汁，好香，另一個係泰式酸辣汁，辣得好過癮，兩個點串燒食都係一流！🍴泰式燒牛肉 $13 (8/10)燒得香口又唔乾，牛肉好香有咬口，質感偏向韌啲！🍴泰式燒豬頸肉 $13 (9/10)好爽口又帶有油香，但一啲都唔油膩。🍴泰式燒雞翼 $15 (8.5/10)係雞全翼！燒得香口，肉質唔乾，好香好好食😋🍴泰式燒稔肉(酸豬肉) $15 (10/10)酸豬肉有陣特別嘅酸味，入面有啲肥肉粒，好香，好鍾意食！🍴泰式燒泰國腸 $15 (9/10)泰國腸入面有粉絲，帶微酸，好食！🍴泰式醉貓炒河 $62 (9/10)每次嚟都會叫，有蔥蒜、九層塔、各種辣椒胡椒，生菜，洋蔥，牛肉，寬河粉，好香口，但唔會好辣，好香不過偏油，好好食！🍴泰式菠蘿炒飯 $52 (9/10)炒
串燒係必叫，燒得香口又唔乾！以下呢幾樣去到都係必食必叫😆佢有兩個汁比你，一個係花生甜甜地嘅沙爹汁，好香，另一個係泰式酸辣汁，辣得好過癮，兩個點串燒食都係一流！
🍴泰式燒牛肉 $13 (8/10)
燒得香口又唔乾，牛肉好香有咬口，質感偏向韌啲！
🍴泰式燒豬頸肉 $13 (9/10)
好爽口又帶有油香，但一啲都唔油膩。
🍴泰式燒雞翼 $15 (8.5/10)
係雞全翼！燒得香口，肉質唔乾，好香好好食😋
🍴泰式燒稔肉(酸豬肉) $15 (10/10)
酸豬肉有陣特別嘅酸味，入面有啲肥肉粒，好香，好鍾意食！
🍴泰式燒泰國腸 $15 (9/10)
泰國腸入面有粉絲，帶微酸，好食！
🍴泰式醉貓炒河 $62 (9/10)
每次嚟都會叫，有蔥蒜、九層塔、各種辣椒胡椒，生菜，洋蔥，牛肉，寬河粉，好香口，但唔會好辣，好香不過偏油，好好食！
🍴泰式菠蘿炒飯 $52 (9/10)
炒得香口乾身，飯面有肉鬆，撈勻一齊食，菠蘿甜同肉鬆嘅香，飯加咗少少咖哩去炒，真心好食！唔食辣嘅朋友就啱曬啦！
推薦指數: 9.5/10
CP值高，啲嘢好好食，正宗泰國風味😆不過侍應就木口木面，冇乜服務可言，環境衛生都一般，坐得唔算舒適，但食物質素就高，串燒小炒係必叫，好有鑊氣！利申，九龍城有好幾間叫金泰，記得淨係去馬路邊呢間，個廚師炒嘢最好食！
張貼
