聚味軒 (已結業)

一間中式高尚餐廳， 有格調，茶每位五蚊，比一般酒樓平少少，雖然冇圍餐叫，但可以揀12人大枱食飯。 野食好食，用既都係好食材，抵食，料多，只係味道濃烈少少，火喉夠勁。金銀蛋炒菜心 88hkd皮蛋，香菇，雞蛋等等， 多種食材炒埋，菜心新鮮， 一d都唔油膩。自家製韮菜餅3件裝 18hkd*3香口上海韭菜餅， 韭菜味特級香濃， 餅唔算太塊，但係非常好食， 煎得有功夫，每面都金王黃可口。薑蔥魚卜 88hkd (最最最值得叫多一碟打包)花膠每一塊都非常彈牙，膠質濃郁， 芡汁多， 鹹味適中， 薑蔥蒜頭，調味，香口，正，一個人食一碟都唔夠喉。薯仔和牛柳粒 98hkd蜜汁炸薯仔牛柳粒， 功夫多， 非常鍾意食佢嘅薯仔，好乾身脆口，蜜汁份量剛剛好， 豐富澱粉質嘅薯仔配豐富蛋白質既牛柳粒好夾， 睇落份量唔多，食耐其實好多。熱杞子菊花蜜 20hkd*2菊花大朵，靚花，夠熱，唔會太甜， 配飯食較恰當， 叫小菜的話，飲茶已經夠皮。一人圍番都係130蚊左右。