影片
更多
2023-12-25
204 瀏覽
Lento用型格灰做主調，門口梳化位有特色，仲空間感十足，坐得好舒服，嘢食都好有誠意😍。Lento本身係音樂上有「緩慢」嘅意思，黎到呢度都可以感受下慢活呢種生活態度😌。店員細心介紹餐牌食物，好親切🫶。聽店員講除左咖啡遲D仲有cocktail，whiskey同更多小食，好期待，一定會再黎食多次👏!🔸巴馬火腿布列塔尼可麗餅 $78餅底薄身香脆，有陣蕎麥香味，巴馬火腿嘅鹹香加埋半熟蛋既蛋黃汁✨好好食，火箭菜、蕃茄仔同炒香咗嘅磨菇增加口感之餘仲令到味道更加清新🌱🔸全日早餐 $138好豐富嘅配料，有炒蛋、煙三文魚、沙律菜、薯餅同腸等，香草蒜蓉包好香牛油同蒜味，烤得金黃香脆；炒蛋色澤鮮黃，口感嫩滑🤤；再加埋酥脆嘅薯餅，非常香口，係好有誠意嘅全日早餐🎉!🔸南乳雞翼 $67本身好鍾意食南乳雞翼，估唔到呢度都有! 雞翼醃得好入味，除左南乳汁之外，加左酒同糖中和返鹹味，南乳嘅比例剛剛好‼️再加埋是拉差辣醬，令到雞翼嘅鹹香更有層次，更加惹味💥。🔸Cake of the day $58是日推介係Scotland chocolate mousse cake，點餐之前店員細心詢問我地飲唔飲酒，話呢款蛋糕會有較濃嘅酒
Lento用型格灰做主調，門口梳化位有特色，仲空間感十足，坐得好舒服，嘢食都好有誠意😍。Lento本身係音樂上有「緩慢」嘅意思，黎到呢度都可以感受下慢活呢種生活態度😌。店員細心介紹餐牌食物，好親切🫶。聽店員講除左咖啡遲D仲有cocktail，whiskey同更多小食，好期待，一定會再黎食多次👏!
🔸巴馬火腿布列塔尼可麗餅 $78
餅底薄身香脆，有陣蕎麥香味，巴馬火腿嘅鹹香加埋半熟蛋既蛋黃汁✨好好食，火箭菜、蕃茄仔同炒香咗嘅磨菇增加口感之餘仲令到味道更加清新🌱
🔸全日早餐 $138
好豐富嘅配料，有炒蛋、煙三文魚、沙律菜、薯餅同腸等，香草蒜蓉包好香牛油同蒜味，烤得金黃香脆；炒蛋色澤鮮黃，口感嫩滑🤤；再加埋酥脆嘅薯餅，非常香口，係好有誠意嘅全日早餐🎉!
🔸南乳雞翼 $67
本身好鍾意食南乳雞翼，估唔到呢度都有! 雞翼醃得好入味，除左南乳汁之外，加左酒同糖中和返鹹味，南乳嘅比例剛剛好‼️再加埋是拉差辣醬，令到雞翼嘅鹹香更有層次，更加惹味💥。
🔸Cake of the day $58
是日推介係Scotland chocolate mousse cake，點餐之前店員細心詢問我地飲唔飲酒，話呢款蛋糕會有較濃嘅酒味，我當然OK🤩! 朱古力味香濃軟滑🍫，蛋糕入口即溶，回甘順滑!酒味較濃，與甘醇嘅朱古力味道好夾，忍唔住食完一啖又一啖‼️
🔸Lemonade $55
冰凍清新，酸甜適中🩷，剛好中和返肉嘅油膩感，同雞翼超夾✨!
.
🔸Latte $40
好得意嘅浣熊拉花🥰! 奶泡幼滑，有濃郁咖啡香💯
張貼
