渡邊屋

營業中

休息中

原來九龍城除咗泰國菜之外 日本餐廳林立 之前已經試過好幾間出色嘅日式料理 今次條街嘅一個角落又有細細間嘅日本餐廳叫渡邊屋 ～入咗去試一試 裏面嘅位置唔多 師傅會喺你面前即叫即整 好吸引😎叫咗呢間餐廳幾道招牌：⭐️本鮪赤身蔥吞魚腩丼呢個見好多人介紹 所以今次都一定要試吓 一上枱賣相已經好吸引 吞拿魚腩分量多到差唔多瀉😂 而且喺個頂頂度仲有幾塊吞拿魚整出嚟嘅花 裏面裝着一個超橙既蛋黃😍有錦上添花嘅效果 而且味道都好出色 三樣嘢加埋都好夾好香 配飯一流！⭐️火灸壽司盛盒當中有三文魚/油甘魚/帶子/左口魚/鰻魚/赤蝦/原條海鰻 師傅喺舖頭燒嘅時候 已經聞到陣陣嘅油香味 所以一上枱嘅時候都好期待 每一個都燒得好香 我個人就特別喜歡原條海鰻 佢放落口入口即溶 加埋鰻魚汁非常濃郁 😌⭐️刺身盛盒有三文魚/油甘魚/真鯛甜蝦/帶子/海膽魷魚卷/𩶘魚 每一款都非常之新鮮 當中我最喜歡就係海膽魷魚卷 平時就比較少食到 佢係用魷魚卷包住海鮮 質感好唔錯 而且海膽味道都好creamy 整體嚟講呢間九龍城小店 雖然麻雀雖小 但係食物室質素好高好新鮮 而且價錢都幾實惠 推介😉