興隆泰國美食

營業中

休息中

幫朋友看完舖，佢帶我去宵夜填補下我個食物焚化爐既空位。呢間舖頭一啲都唔起眼，我行過一定唔會入去食，因為全間舖都係摺檯，我見佢有時仲會開到出街，一望入去全場爆滿，坐到迫迫的。我同朋友去到咁岩有人走，我地坐底就叫左我愛既咖哩、蒜蓉包、生蝦，我朋友每餐都要食菜，所以叫左個椰菜苗。生蝦好新鮮、超爽脆，仲要係啖啖肉，我之前去過同區幾間都唔夠呢間既好，加埋佢哋既汁簡直一流👍🏼👍🏼最令我有驚喜既係椰菜苗，真係超好味，好清爽又甜，但佢炒係多油既，不過都好好味。咖哩緊係要蒜蓉包啦！個主角變左唔係個咖哩，係個蒜蓉包👍🏼又牛油又多蒜加香噴噴，兩個人前後食左兩碟，如果唔係太飽一定再叫多碟😂