有口福

營業中

休息中

而家搭地鐵去九龍城真係好方便，今晚就同老公去搵食，老公喜歡去有口福，餐廳係九龍城係老字號，主打四川菜，食物味道好，街坊價錢，老闆娘招呼客人又親切。酸菜魚：一大盆上枱，份量真係好足，湯底辣度剛剛好，微辣中帶少許麻味，用鉗魚起肉做成魚片，魽魚肉厚身結實，肉多骨少！食落啖啖都係肉，配料有芽菜、萵筍同水晶粉吸收索晒啲湯汁好惹味！紅燒乳鴿：乳鴿炸至外皮金黃香脆，肉質嫩滑夠味。點些椒鹽更惹味！炸普寧豆腐：豆腐炸至金黃色，吃時蘸上韭菜鹽水，外酥內嫩，鹹鮮微辣，風味獨特。家鄉炒米粉：炒得好有鑊氣，米粉炒到乾爽又彈牙，材料亦好香口。