黃珍珍泰國菜館

營業中

休息中

去到九龍城就諗要食泰國菜，喺九龍城試過幾間，而黃珍珍呢一間，都係唯一一間會重複去食。海鮮炒飯：海鮮用了新鮮，炒飯有飯香，叫飯食嘅時候最好配一個咖喱，咁樣就最抵食。明爐烏頭：呢個係必食！必食！必食！睇相都可以見到條魚係有魚油，屋企人話有魚油嘅魚，係新鮮同埋好食。如果覺得湯汁唔夠，可以叫侍應加湯汁落條魚度。另外裏便都有少少大嚿嘅豬肉碎，個底有少少菜，佢哋吸收咗魚嘅精華。燒豬頸肉：呢個唔係串燒系列，不過好食過串燒，價錢上抵食好多，又方便好多，唔會有竹籤阻住晒。佢就好似泰國版嘅叉燒咁，甜甜地，油脂分布平均，呢個都係必食。