鎔記潮州飯店

營業中

休息中

今日收工過咗嚟九龍城搵食😋，九龍城咁多嘢食都唔知點揀好😖，行吓行吓見到間食潮州打冷，於是朋友話入去試吓🤩。講到潮州菜，我哋第一個諗起韭菜豬紅，豬紅好滑，下面仲有好多好入味嘅韭菜，個汁辣辣地，食完一舊又一舊😋補左好多血👍🏻。另外叫左花生鳳爪，味道略嫌淡，唔夠入味，鳳爪好淋身。芽菜豆卜，芽菜好爽口，豆卜好入味。煎魚豆豉炆苦瓜，最鍾意夠苦嘅苦瓜😍，魚煎得好香口，魚肉好滑，而且冇乜骨👍🏻👍🏻🐠。當然唔少得滷水拼盤，拼盤有滷水鵝，紅腸，生腸，粉腸，豬大腸，墨魚，鵝腸等等，非常之入味呀🥰，份量好多👍🏻。最後有個潮州伊面，建議配上糖同醋食，兩邊煎得好香口，簡單嘅一道菜色，出奇地好味😋😋。