金寶泰國菜館

營業中

休息中

今日約咗朋友去九龍城行街和睇戲，睇完戲就要搵嘢食，想起九龍城有好多出名的泰國菜，見到附近有一間金寶泰國菜館，就入去試下。（1）活蝦刺身：師傅即叫即劏，新鮮爽口彈牙，肉質鮮甜，加上酸酸辣辣嘅醬汁份外好味。（2）泰式炒通菜：通菜炒得好爽口，加埋蒜蓉和椒絲，夠入味。（3）酸辣粉絲煮大蜆：蜆肉大大隻好飽滿，又沒有細沙，粉絲吸收了湯汁更加好味。（4）椒鹽軟殼蟹：軟殼蟹炸得好脆，用椒鹽炒特別惹味。整體來說：呢度座位都幾寬敞，同朋友食飯傾吓計，我覺得幾好，值得推薦。