同撈同煲

營業中

休息中

💛冬甫美人鍋湯底好足料，有桃膠、花膠、冬瓜、蟲草花等等，滋補得來又唔會太濃膩，好清甜。唔係特別重藥材味，無論男女都會好鍾意飲，而且雞肉係現場分件的。💛安格斯牛肉雪花分布好均勻，而且厚薄適中，所以落湯都唔會縮水得好犀利，食落口會有肉香，幾好食。💛駌鴦滑分別係蝦滑同墨魚滑，兩款都十分彈牙，食得出好新鮮。💛芋頭腊味餃朋友話見到個餃子餡咁特別話想試吓，本身怕有少少伏，但食落口味道反而唔錯，估唔到臘味同餃子都幾夾。💛shake shake手工炸魚皮叫咗蜜糖味，魚皮勁大塊，如果想均勻啲就shake嗰陣順便整開幾塊，係幾特別嘅小食。💛即炸響鈴係自己炸而唔係市面上賣嘅現成貨，所以食落去會好食過出面好多，夠大塊，而且好脆口。💛蜂巢豆腐一如以往都係一眼睇得出係店入邊自己整嘅，勁大塊，咁樣可以索晒啲湯，超好食。💛啫喱 懷舊糖不甩食到最後會有呢兩款甜品送，係舊式嘅味道，唔錯。