帕維亞意大利餐廳

營業中

休息中

今日約朋友聚餐，就佢放便去九龍城食晚飯。佢話有好野介紹，以為去食泰菜，點知跟住行行下去咗一間意大利餐廳。此店門面比較低調，附近環境相對清靜，好彩朋友响附近返工又好鬼為食先發現到好野。餐廳裝修以橙色為主，牆上有精美彩畫及掛畫，加上座位闊落，空間感足，令人感覺舒適又自在😃。麵包先上一籃熱辣辣的麵包，蒜蓉多士香脆惹味，芝麻麵包鬆軟香口😍，備有牛油、意大利香醋及橄欖油，可按個人喜好添加。黑松露菌忌廉汁意大利帶子牛肝菌雲吞 $198.-上枱時黑松露香氣四溢，忌廉汁質感creamy味道香濃，雲吞皮又薄又滑，包滿帶子及牛肝菌粒，味道鮮美充滿菌香味🥰。清炒巴馬火腿蘆筍扁意粉 $198.-扁意粉炒得乾身👍，質感煙韌，蘆筍爽脆清甜，巴馬火份量多，味道鹹香，再加上黑胡椒及紅椒，令整體味道更加香口惹味。焗法國鴨腿 $268.-鴨腿表皮焗至香脆🤩，肉質軟腍，味道鹹香，配菜有幼滑的薯蓉、清甜的蕃茄及香口的紅椒，豐富又好食😋。熱咖啡 $38.-食得飽飽再來一香醇的咖啡，感覺十分滿足😊。