影片
更多
2023-08-10
18 瀏覽
上戶酒場📍九龍城龍崗道33-39號龍翔閣地下A號舖好耐之前就食過呢到嘅午餐，印象不錯，最近同一位由日本翻嚟，好耐冇見嘅朋友見返，於是就帶佢去呢到，俾佢呢個半日本人嚟品嘗下呢間居酒屋正唔正宗🤣🧡食物🥬 前菜——熱沾醬 $32呢個前菜幾特別，叫熱沾醬，將幾種蔬菜：白蘿蔔、紅蘿蔔、青瓜切條，然後蘸啲一直用蠟燭加熱嘅醬，係用沙甸魚and多春魚mix埋而成嘅濃稠醬汁，鹹香感十足，而蔬菜清甜爽脆到不得了，兩個九唔搭八嘅味覺同口感mix埋一齊居然一啲都唔違和，作為前菜打開晒我嘅味蕾，令我對接下嚟嘅食物期待不已😋🐟 池魚刺身 $428接下嚟呢個重頭戲啦，雖然上次食過但依舊好想encore，出品依舊新鮮，魚肉薄身幾近透光，緊實而有口感，油香肥美，配上酸汁嗰味道啱啱好，清新不膩，旁邊配埋啲辣蘿蔔蓉，可以俾你自己調教醬汁味道，我個人嚟講十分鍾意呢個刺身！食完之後啲魚骨攞咗去炸，椒鹽嘅味道好適合送酒慢慢食～🦪 令和怪物生蠔 $256我哋嗌嘅時候仲笑稱會有幾怪物，結果真係都幾誇張，成隻手板咁大！一上枱我哋就雙眼放光地攞起檸檬開始唧，入口嘅瞬間feel到成個係極滑，就咁sir咗入口，咬開嘅瞬間鮮甜嘅味道、淡淡嘅海
📍九龍城龍崗道33-39號龍翔閣地下A號舖
好耐之前就食過呢到嘅午餐，印象不錯，最近同一位由日本翻嚟，好耐冇見嘅朋友見返，於是就帶佢去呢到，俾佢呢個半日本人嚟品嘗下呢間居酒屋正唔正宗🤣
🧡食物
🥬 前菜——熱沾醬 $32
呢個前菜幾特別，叫熱沾醬，將幾種蔬菜：白蘿蔔、紅蘿蔔、青瓜切條，然後蘸啲一直用蠟燭加熱嘅醬，係用沙甸魚and多春魚mix埋而成嘅濃稠醬汁，鹹香感十足，而蔬菜清甜爽脆到不得了，兩個九唔搭八嘅味覺同口感mix埋一齊居然一啲都唔違和，作為前菜打開晒我嘅味蕾，令我對接下嚟嘅食物期待不已😋
🐟 池魚刺身 $428
接下嚟呢個重頭戲啦，雖然上次食過但依舊好想encore，出品依舊新鮮，魚肉薄身幾近透光，緊實而有口感，油香肥美，配上酸汁嗰味道啱啱好，清新不膩，旁邊配埋啲辣蘿蔔蓉，可以俾你自己調教醬汁味道，我個人嚟講十分鍾意呢個刺身！食完之後啲魚骨攞咗去炸，椒鹽嘅味道好適合送酒慢慢食～
🦪 令和怪物生蠔 $256
我哋嗌嘅時候仲笑稱會有幾怪物，結果真係都幾誇張，成隻手板咁大！一上枱我哋就雙眼放光地攞起檸檬開始唧，入口嘅瞬間feel到成個係極滑，就咁sir咗入口，咬開嘅瞬間鮮甜嘅味道、淡淡嘅海水味流淌而出，好鮮嫩好順滑，我平時不太食蠔嘅人都有啲回味無窮，我frd形容係一陣好澎湃嘅海浪，幾貼切🤣
🐔 牛油雜菌赤雞肝 $78
呢個我覺得幾適合送酒，幾香嘅牛油味，令到啲菇都有啲奶香味，雞肝好嫩好粉，但係我frd就不太食得慣較生嘅內臟，如果大家想試又驚太生嘅話可以請店員炒熟啲～
🐮 鹿兒島A4和牛燒 $588
經過呢次之後我決定A4係我最鍾意嘅和牛等級，既不會好似A5或以上咁，一入口就化成一灘油水，雖然好好食但好膩；亦唔會好似A3或以下咁，雖然好重肉香但唔夠油脂感😇呢到嘅和牛係片狀嘅，好平均嘅焦化層，好香好香，享受到油脂併發嘅感覺又有肉嘅口感，極佳！醬汁偏酸甜，食到有啲膩嘅時候可以中和下，一開始可以食多幾舊感受肉香先～
🥓 伊比利亞豚肉鍋 $228
調味係好典型嘅日式鍋物，好鮮甜，配料都幾豐富，有菜、菇、豆腐、豚肉，肉睇落好瘦，但係意外地幾嫩，好香，最令人意外嘅係豆腐，煮左好耐都係好嫩，但入晒味，建議最後先食～
🍡 煙燻秋葵（兩串）$36 & 煙燻一口蕃薯（兩串）$36
最後我哋發現啤酒未飲晒，又想坐耐啲傾吓偈，就嗌左兩個煙燻串燒嚟試吓，打開蓋一股濃煙衝上嚟，底下仲有啲炭嘅餘燼，幾香，煙燻味幾濃郁，尤其推薦番薯，細細粒好甜，一啖啤酒一粒番薯超歎～
🍺 Suntory生啤 $68
🍶 柚子燒酎 $68
我有啲後悔嗌左生啤，雖然係幾爽嘅，但太多氣搞到好飽🤣朋友嗰杯sake幾正，一入口係酒味，之後被柚子蜜嘅味道取代咗，幾好飲～
張貼
