Mild

營業中

休息中

宋皇臺站開咗之後，越嚟越多人發現九龍城有好多好嘢食，但新發現呢間聯合道嘅cafe bar，就連我呢個原居民都係第一次去！夏天突然殺到，我同朋友每人嗌咗杯Shakerato，涼浸浸少少甜，係既消暑又提神嘅咖啡飲品。我同朋友叫咗黑松露薯條配松露蛋黃汁做前菜，上菜時熱辣辣，明顯新鮮炸起，cafe用咗有薯仔皮果種粗薯條，好配合加咗黑松露嘅蛋黃醬，每啖都會聞到濃濃嘅黑松露香，食落就好重薯仔同蛋香味。我叫咗大啡菇松露忌廉扁意粉配溫泉蛋，原來cafe用咗日本雞蛋，唔怪得知蛋黃零舍深色零舍香，同忌廉汁亦好配合。叉開隻蛋撈埋一齊食令意粉更加creamy，食完意粉連汁都唔想放過朋友叫咗橄欖油辣椒蒜片扁意粉配虎蝦，辣辣地好入味，蒜片好香，係呢種天氣好開胃，虎蝦又大又彈牙。去嘅時候時間有啲早，如果唔係都想試下佢啲cocktail menu。