影片
更多
2024-01-14
1468 瀏覽
九龍城一直都係地道泰菜集中地，今次就去咗昌發，想食泰麵就要識😆食完真心驚喜👏🏻小店嚟講，呢度唔單止多選擇，食物質素高，價錢夠抵，真正大件夾抵食，會再幫襯。1️⃣遊船河(金邊粉) $50天氣涼番，食碗熱辣辣♨️嘅船河填肚好滿足。呢個船河湯頭都算濃郁，配牛肉片同豬肉丸。粉麵揀番金邊粉，我認為係最吸收到湯汁精華😋，泰式香料都新鮮，整體水準有B+，香港食到嘅味道嚟講叫正宗啦！2️⃣泰東豬肉生菜包 $69泰國東北菜較重口味，著重辣、咸同酸味，所以呢個生菜包嘅肉碎會更酸辣開胃，米香味出眾，配爽脆生菜，一啖咬落去真係好夾，份量仲要足到爆，食極唔完咁👀3️⃣蠔仔煎蛋 $128見隔離枱食得咁開心，聞落又好香，所以抵受唔住引誘叫咗😆。想講：值得嗌！蠔仔煎蛋用鐵板上，熱力將香氣送入你個鼻，仲要大大塊好震撼。煎蛋嘅底部酥脆香口💯，蠔仔夠多，肥美又唔腥，仲有海量芽菜墊底平衡油膩感👍🏻👍🏻，附上甜辣醬，所以一啖接一啖都唔覺滯。不過有時店舖會轉粉多脆口個款，所以落單嗰時可以講明要腍嗰隻。4️⃣芒果沙冰 $38勁勁勁大杯，滿到瀉；芒果味可以再濃啲，不過唔係死甜，都收貨啦😌📍環境較細、座位偏窄、唔算光猛整潔，但老舖小店，小妹唔太介懷📍自
1️⃣遊船河(金邊粉) $50
天氣涼番，食碗熱辣辣♨️嘅船河填肚好滿足。呢個船河湯頭都算濃郁，配牛肉片同豬肉丸。粉麵揀番金邊粉，我認為係最吸收到湯汁精華😋，泰式香料都新鮮，整體水準有B+，香港食到嘅味道嚟講叫正宗啦！
遊船河(金邊粉)
$50
83 瀏覽
0 讚好
0 留言
2️⃣泰東豬肉生菜包 $69
泰國東北菜較重口味，著重辣、咸同酸味，所以呢個生菜包嘅肉碎會更酸辣開胃，米香味出眾，配爽脆生菜，一啖咬落去真係好夾，份量仲要足到爆，食極唔完咁👀
泰東豬肉生菜包
$69
60 瀏覽
0 讚好
0 留言
3️⃣蠔仔煎蛋 $128
見隔離枱食得咁開心，聞落又好香，所以抵受唔住引誘叫咗😆。想講：值得嗌！蠔仔煎蛋用鐵板上，熱力將香氣送入你個鼻，仲要大大塊好震撼。煎蛋嘅底部酥脆香口💯，蠔仔夠多，肥美又唔腥，仲有海量芽菜墊底平衡油膩感👍🏻👍🏻，附上甜辣醬，所以一啖接一啖都唔覺滯。不過有時店舖會轉粉多脆口個款，所以落單嗰時可以講明要腍嗰隻。
蠔仔煎蛋
$128
64 瀏覽
0 讚好
0 留言
4️⃣芒果沙冰 $38
勁勁勁大杯，滿到瀉；芒果味可以再濃啲，不過唔係死甜，都收貨啦😌
芒果沙冰
$38
79 瀏覽
0 讚好
0 留言
📍環境較細、座位偏窄、唔算光猛整潔，但老舖小店，小妹唔太介懷
📍自行手寫落單
張貼
