泰農菜館 (已結業)

去九龍城食泰國菜都有好多選擇，今日試吓「泰農」～ 星期六午飯時間，大約一點已經差不多全場滿座，應該質素唔錯👍🏻 而且佢午餐有七折😍 所以好抵食！應該因為咁，都吸引左唔少人去～ 餐廳設有卡位，兩個人或四個人都可以，亦有大圓枱，一家大細食飯都適合，食物選擇豐富～甘柚子沙律 $65主要係新鮮柚子肉，上面加上一絲絲嘅椰子肉乾，配上酸酸地嘅沙律汁，清新好味又開胃👍🏻 泰式蝦多士 $34我哋叫咗半份，有四件蝦多士，熱辣辣即時炸，炸得好香脆，泰式蝦多士嘅蝦肉冇我哋平時食開嘅咁彈牙，不過都好鮮味👍🏻，配埋甜酸汁一齊食，更加好味😋泰式炒蘿蔔糕 $88份量好多，平時食開炒蘿蔔糕，蘿蔔糕會比較細件，今次嘅會偏大件，而且亦都同我地平時食開的中式蘿蔔糕有啲唔同，佢粉嘅比例比蘿蔔多，有啲似潮州嘅炒粿條，炒得外面好香口，蘿蔔糕每一面都沾上醬汁，炒得好平均，配上其他配料例如肉碎，更加惹味香口👏🏻😋麵包咖喱蝦＄98一份有五隻蝦，亦有五片多士，蝦大隻爽口鮮甜，多士香脆，配埋咖喱汁食一流👍🏻😋 咖喱香滑味道濃郁👍🏻鮮芒果特飲＄32完全感受到係芒果肉打成，非常鮮甜芒果味😍 覺得好正！非常解渴☺️芒果椰汁糯米飯 $55芒果香甜多