潮州合成甜品

營業中

休息中

第一次去潮州合成甜品, 太開心終於食到清心丸, 因為已經有一段時間無食過潮式既清心丸綠豆爽。潮州綠豆沙邊清心丸 ($25):合成既呢款糖水比我之前喺其他既地方食過既清心丸, 有少少唔同。呢碗糖水係深橙色, 清心丸食落比較脆身彈牙, 如果可以再煙煙韌韌一點就好。綠豆同蓮子都煮到好腍, 但唔會碎/散哂。雖然糖水顏色比我想像中深色好多, 但好彩唔係太甜。冰凍波蘿馬蹄沙 ($27):食第一啖既時候 reminded me of 菠蘿大菜糕!糖水幾清甜, 酸酸地既菠蘿肉同非常脆身既馬蹄, 呢個組合食落質感唔錯!