時代冰室 (環球工商大廈) (已結業)

黎九龍灣有野買，周圍搵餐廳既時候，就食翻個時代晚餐，支持一下，對面仲有大渣哥。蔥油豬扒煎蛋飯 4/5色澤均勻，豬扒煎得均衡仲保持肉汁又唔會過老，蔥油香得黎又惹味，煎蛋脆邊保持流心狀態，略嫌豉油落太多，搞到太咸，早知就叫少豉油。白汁魚柳火腿飯 2.5/5魚柳夠大塊又香脆，白汁唔夠多同唔夠香，相比豬扒飯之下，呢個比較一般，可惜嫌無乜味，仲要落辣油吊下味，不過勝在比較平，平均50蚊一個人晚餐，可以接受。地理:星期六6點左右，九龍灣工商業區，理論上無乜人，但都有不少客人支持，十分欣慰。環境:企理乾淨衛生。價錢:真係平，50蚊一個人，九龍灣晚飯，算少見。服務:手機落單，無乜特別要求同問題了。