時代冰室 (環球工商大廈) (已結業)

夜晚8點半係附近做完運動就搵食，工廠區好多食肆都收哂。啱啱好趕得切依間既last order因為佢哋趕住收工，邊爐個啲都冇得叫。咁就叫個普通炒嘢喇椒鹽豬扒飯應該唔難食得去邊，但佢嚟到啲豬扒得5舊而且係偏凍既☹️☹️煸豆同蔥既份量差唔多。成個飯冇乜椒鹽味雖然先$48，但係最基本要熱既都唔夠😩個日好肚餓而且佢哋趕收工就照食算。因為佢哋9點半左右就要收鋪，我哋9點鬆就俾人叫埋單先都知阻收工猶如殺人父母既☹️☹️食過兩次依間都係一般以下。唔知會唔會再俾第3次機會佢

放工時間想响九龍灣求其醫肚，响大渣哥、光榮同時代三者間揀左呢間係因為未試過。雖然係茶餐廳，但仍需自己QR code落單，唔好處係類似「野飲要少甜」、「走飯改菜底」的額外要求係做唔到，下下都要唔太應你的侍應去同廚房講就比較麻煩。佢地無改菜底呢個option叫我地叫碟油菜，盛惠$22蚊，其實無所謂，但碟菜拎到黎的感覺令人無哂食慾…仲差過我屋企的廚餘！另外叫左個鐵板牛扒，我見到人地個個有張好似pepper lunch的紙圈圍住個鐵板，唯獨我嗰個無，不虞有詐，當你倒D汁落去個鐵板度之後，我發現我成身、成張櫈、手袋、外套都沾上佢彈出黎的一點點油漬！正如我朋友講，個雞扒係OK的，但第一碟上的「剩菜」實在令人反感！同個大媽侍應講，佢只係笑笑口然後行開左…服務簡直一流！

約左朋友係九龍灣做嘢，做完嘢後，咁啱到下午茶時間，第一時間就想起時代冰室。其實香港的地道茶餐廳有好多，但我覺得呢間食物味道唔錯。好彩下午茶時間人唔多，等咗一陣就有位。我地點左3個下午茶套餐。（1）西多士配王牌雞髀：雞髀好大隻，咬落仲好Juice，雞肉又唔鞋，超好味。（2）星洲炒米：有蝦、芽菜和紅椒，還加咗芝麻，十分美味。（3）楊州炒飯：有火腿絲，青瓜粒和雞蛋，加咗蔥粒，炒得非常有鑊氣。咁啱我哋三個人，一齊叫餐茶都係（熱）鮮檸檬水。價錢合理，有好多款食物揀，下次會試下其他美食。

凍凍地既夜晚最好就係打邊爐做晚餐，行經九龍灣既時代冰室，見到餐牌上面有幾款火鍋餐，雖然唔係任食，不過見到啲嘢食好似都幾多咁，就同朋友入左去，叫左兩個唔同既火鍋餐，分別係珍寶海鮮同埋醉雞肥牛，另外加多＄１８就有杯XXXL既咸檸樂，size 真係比普通茶餐廳既杯大好多，食物既質素都唔錯，值得推薦試試。

時代變 口味質素都變埋Lunch 黎食，入到d姐姐都好差態度1. 問拎餐牌 就叫自己掃qr code 2. 埋單問 會員有無優惠，佢話我點知有無 餐廳衛生程度差，餐具好多都有污跡。碟飯黎到，隻碟都有污跡，大家可以自己睇相。食物質素都差左好多，d飯黎到凍既，d咖哩又系唔熱既，食左個咖哩雞脾飯凍飲 $72。如果真系想繼續做落去，真系要改善下，一開頭個年質素好，依家唔會再去。

食食下野有野撩腳，原來係老鼠，成隻爬上身，啲職員好淡定話‘’又‘’有老鼠呀，間唔中都有架啦……明知有問題唔係去解決而係睇淡哂咁由個問題繼續……永不再幫襯！！！！

成日叫來叫去都係果啲，今日外賣試下其他餐廳就「時代冰室」啦！聽就聽過幾次，係未入去食過！先講講手工面：面底，蛋，雞扒都唔錯，係湯底太濃，食完有少少口渴😅到豆腐鍋：呢個真心唔錯，外賣好少有咁健康嘅餸選擇。👍🏻所以總結：係可以下次再叫嘅外賣，下次就試吓其他食物啦🤪

好鐘意時代冰室既早餐，特別係佢既時代見面餐，好食又抵食！粉麵有得揀葱油滑雞同芫茜鮮牛，但價錢又唔貴！另外最中意佢有得揀丹麥包，連埋自選炒蛋，都係$35，好有誠意！

同公司好近嘅餐廳，晏晝都有食過，覺得味道唔錯，但係夜晚第一次堂食，有驚喜位置坐得舒服，地方都好光猛有秋季新推介，台式一人火鍋，價錢仲要好抵，即刻嗌一個試吓珍寶海鮮鍋有幾款湯底，清清哋試咗個滋補醉雞湯底，帶少少酒香，偏甜口味，一個人食份量好足扇貝好大隻，仲有本身湯底嘅清甜，海鮮食落去更加鮮味，魚片切得好薄，而且一啲骨都冇，咬入口係可以即溶嗰種滑身臘腸豆卜排骨煲仔飯即叫即整嘅煲仔飯，一上枱已經香氣騰騰，豉油係我鍾意嘅偏甜口味，而且係會比較濃稠少少，撈左入飯之後亦都唔會太鹹，飯粒粒粒分明，飯焦薄薄地一層，好香口排骨份量好多，肉質唔會鞋，好淋身玉子燒玉子燒入邊嘅芝士好多，而且加熱到啱啱好，一夾起有長長嘅拉絲，蛋嘅內層重帶有少少蛋漿，加上上面嘅沙律醬酸甜可口白汁芝士焗西蘭花佢上面嘅芝士，唔似其他茶餐廳係用芝士粉，係用真材實料嘅芝士，西蘭花焗到啱啱好唔會話好林，咬落去仲係爽口紅豆•雪糕一口西多士超級大推嘅甜品，成個磚頭咁厚嘅西多士，但係又好貼心咁樣切開咗四舊，好方便食用，再加埋雪糕中和左甜膩感！外面炸到好脆，但咬入口入邊仲保持到軟綿綿嘅麵包特盛綜合水果茶超大杯嘅水果茶，入邊有唔同嘅雜果，甜度都啱啱

係德福做完尖儲夠quota就點都要食餐飽飯補補佢朋友建議去時代食個茶記經典下午茶芝士焗薯條芝味太假 薯條好冧流心奶黃西多原本想要流沙朱古力 不過賣哂呢個都唔錯 包夠厚身鬆化 樣頹味不頹炸髀夠熱夠味 唔會太乾厚包厚蛋多士 一流！

時代冰室久仰大名，今次終於有機會黎試試⚡️時代冰室裝修走懷舊風，充滿舊式茶餐廳味道🍂價錢平民，但已經可以食到煲仔飯、雞煲等等嘅菜式😮麻辣肥腸雞煲（ $88 ）雞煲材料簡單豐富，醬汁濃稠，包裹住每件雞塊🐓豬腸冇豬臭味，煙韌有咬口🫦如果再辣啲麻啲就最正北菇臘腸滑雞煲仔飯（$65）秋冬必食推介🍂 煲仔飯上檯熱辣辣，材料鋪滿成個瓦煲，雞肉嫩滑，臘腸肥瘦均勻，令成個煲仔飯充滿油香🤤煲底仲有飯焦😳加上帶甜味濃稠嘅煲仔飯豉油，無得輸～珍寶海鮮鍋（$88）湯底：特濃沙嗲湯雖然價錢平民，但配料一啲都唔馬虎😍沙嗲湯底濃郁，煮任何配料都夠入味🤤海花蝦•日本帆立貝•深海黑魚片•蟹棒•長洲魚蛋•飛魚子粒粒鮮蝦滑深海黑魚片厚薄適中，肉質嫩滑、新鮮🐠八寶盒生菜•娃娃菜•粟米•蘿蔔•冬菇•蕃茄仔•烏冬所有蔬菜吸湯一流☺️五福臨門鬼馬油炸鬼•脆炸響鈴卷•獅子狗卷•貢丸•鴨血油炸鬼釀入蝦膠，非常鬼馬👻油炸鬼吸晒沙嗲湯嘅精華，裏面爽口彈牙，推薦！龍鳳檸樂XXXL （+$18）時代•黑牛冰（$32）時代冰室有多款懷舊飲品，黑牛冰係一個唔錯嘅選擇🤣 汽水加朱古力雪糕夠晒冰涼，打邊爐飲超爽🧊火鍋套餐加$18有杯超巨大嘅龍鳳檸樂，兩個

之前一直有食開，都已經時好時壞，試過一次塊豬扒乾爭爭，諗住隔左一段先再試下食喇！今次直頭離晒譜..超級差😡蔥油豬扒三眼仔飯已經係店內招牌飯啦！返到屋企坐底一打開🤯冇蔥油又冇豉油，見到已經好嬲跟著切塊豬扒居然乾爭爭都刀都難切，之後食食下連雞蛋都有痴住雞蛋殻既！有冇攪錯牙！我有比錢買飯食家！比外賣客人之前係咪應該check 清楚先交比人牙？冇心煮又keep 唔到水準，真心越食越嬲爆！以後都唔想再去幫襯！

冬天想吃火鍋🍲 又想吃蛋包飯🍛邊家都有🥹?便來呢家位於太子的時代冰室啦😜多元化同性價比高的新派菜式🍝🍱🥘🍳加上裝潢風格懷舊復古 好有食慾🥘⭐️珍寶海鮮鍋🍲海鮮種類豐富 味道新鮮 仲有鍋底可選🫕種類多樣包含鮮蝦 黑魚片 扇貝 蝦滑等🍤🦪尤其呢顆扇貝柱好肥美🍥 大而爆汁😍⭐️鰻魚蛋包飯🍳蛋包飯真係我最愛🤩炒蛋軟糯香滑包裹炒飯 同鰻魚照燒汁拌食 鰻魚整條又好新鮮 肥瘦剛剛好🍛真係甜咸相襯 味道好正😍⭐️香草烤雞🍗作為model需長期維持體重🥢🥶飲食都偏向高蛋白生酮 烤雞係極好選擇🥹滿足味蕾享受同時 又健康瘦身 好light🥳⭐️玉子燒🧀呢家玉子燒真係好有特色🧈 將玉子的概念結合炒蛋原味的元素🍳撒上木魚與美乃滋醬 好大盤停唔下來😋📍時代冰室 @timescafehk太子長沙灣道21-25號地下A號舖#香港好去處 #(到訪分店地區)美食 #下午茶 #新派茶記 #煲仔飯 #一人火鍋 #小炒 #香港冰室

今天去九龍灣購物，順道吃晚餐。這家冰室的內部裝修走懷舊風格，有舊式戲院的電影海報作佈置。醬烤香茜肥腸雞煲88元，選了BB辣。雞煲香氣撲鼻。雞肉採用雞腿肉，肉質嫩。豬腸肥美。配料有很多款，主要包括香茜、紅椒、乾辣椒、獨子蒜、洋葱、大葱和姜片，醬汁惹味，味道層次豐富。台式特盛‧臭臭鍋98元，是台式火鍋，湯底選了芫茜皮蛋湯。鴨腿香，蟹柳甜，皮蛋味道正常，蕃茄和芫茜均新鮮，粟米清甜，冬菇肉厚味香，魚腐爽口，枝竹和豆卜吸收了湯味，美味，湯水不太咸。拍薑菜心炒牛肉58元，薑味足夠，菜心翠綠，牛肉不柴。冬日推介桂圓紅棗杞子蜜跟餐優惠價9元，又香又甜，補身補血。冬日推介蜂蜜柚子荔枝蜜優惠價9元，柚子味濃，滋潤喉嚨。每位客人可免費享用一碗紫薯糖水，甜度適中。

九龍灣的時代冰室, 價錢一直大眾化, 而且好受歡迎。同事話佢地出左秋季煲仔飯, 天氣開始涼返, 諗起都中意食煲仔飯的飯焦, 放左工齊齊和同事去時代冰室。時代冰室位置港鐵站行大約10分鐘(環球工商大廈地下), 由於地段位置係工商業區, 返放工就一定會經過。食過幾次時代冰室, 除了大眾化價錢, 味道都係吸引之一。我同同事大約6點15分去到, 好彩係坐到卡位, 差不多7點都滿座了, 佢地主要客源都係附近寫字樓, 所以好多人放工黎食。時代冰室係用QR CODE落單, 亦提供餐牌比客人睇, 一目了然。今次有新餐牌 : 有煲仔飯, 超激動$50鐵板餐, 火鍋 (醉雞肥牛鍋, 珍寶海鮮鍋)我地最後點了 :*三式臘味煲仔飯 $68 (加$15蠔油生菜) +熱奶茶*醉雞肥牛鍋 (芫茜皮蛋湯底 + 八寶盒 + 五福臨門) $78*火鍋配料 : 美國肥牛8片 $36, 炸午餐肉(4件)$12, 響鈴(3件) $12*懷舊紅荳冰$26醉雞肥牛鍋 $78醉雞雞件味香肉滑, 份量夠多, 肥牛脂肪分配比例平均, 唔係比下欄位, 而且有咬口, 有牛肉味 ! 除左醉雞肥牛, 仲有響鈴, 鴨血, 貢丸, 獅子狗卷, 油炸