翠軒茶館

營業中

休息中

話說九龍灣冇咩好食就係人都知㗎啦。。最慘嘅係冇嘢好食得來又貴喎疫情期間都養成咗買外賣返公司食嘅習慣話說呢一條街係有好多外賣店咁早排就見到呢間新開咗 就梗係試一試佢啦 個常餐都只係$43，凍飲加兩蚊。即刻試一試佢先。咁佢個常餐就係瑞士雞翼撈公仔麵，黑松露炒蛋同丹麥酥。我覺得$43可以食到以上嘅嘢真係機會唔多。首先講吓佢個公仔麵，我覺得OK喎，又唔會一嚿嚿，成個賣相都幾好，係個黑松露炒蛋好似少咗啲。不過唔緊要嘅，$43我可以接受。個丹麥酥都好新鮮。不過當時可能係因為佢哋啱啱先開始營運，所以等得有啲耐，第二次去再買嘅時候已經改善咗。