隼 (已結業)

仲未去到日本嘅日子，唯有搵日本菜食住先。早排喺銅鑼灣一間餐廳隨手拎咗張卡片，卡片上一個「隼」，即刻令我諗起東北新幹線特別急行列車。於是就第二日帶埋媽咪嚟試吓。嚟到Mega Box 9樓就見到門口成個車站嘅設計，鐵路迷都可以嚟打吓卡。職員安排好座位後就送上點餐嘅QR Code落單。不知不覺就點咗十三款壽司連小食。最大特色是每款壽司都是由列車/輸送帶送上，小朋友嚟到一定好開心。炙燒海膽醬和牛壽司海膽醬香濃，和牛油脂很香蒜香牛油燒珍寶帆立貝、蒜香牛油燒珍寶帆立貝壽司牛油同蒜蓉真係好夾，帆立貝唔會話熟好夠嫩滑。炙燒鰻魚壽司係媽媽的最愛，醬汁不會過甜。海膽炙燒油甘魚壽司同樣配上香濃海膽醬，油甘魚夠新鮮。蟹柳沙律福袋滿滿的配料用腐皮袋住，大人小朋友都鍾意。茶碗蒸很滑炙燒左口魚裙邊很爽口鮮味鹽燒三文魚鮫亦係為媽媽而點，一邊吃，一邊提到魚鮫很滑。值得再來。