皇御園 (已結業)

好少寫食評，剛同屋企人試呢間皇御園提早慶中秋，覺得菜式兼服務好有水準，價錢唔係好貴，值得推介。好耐冇食烤鴨，見到餐牌有，即叫一隻試試，餐廳侍應推介京式片皮鴨二食，大大隻鴨上菜時好吸睛，隔離枱見到亦即刻點這道菜，鴨片又有火暖住唔怕凍，熱辣辣好正，配菜重特別有菠蘿片和薑片，去鴨皮的油膩又清新可口，細佬一個人已搶住食了一半鴨片，而炆鴨亦相當野味﹔這道菜一定要食。