公子茶座 (已結業)

一向都有食開呢間茶座，今次要幫佢地打返個食評先招牌生煎肉餅飯之前食過幾次，差唔多次次都會叫嚟食。肉餅都幾厚同大件，兩邊都煎得非常香，仲幾脆身，唔會肥膩，加上蔥油食好香口，不愧係招牌菜，非常推薦豬扒煎蛋飯配香蔥豉油豬扒明顯地係有炸過再上，有一定厚度，好有咬口。不過有部分肉就略嫌有d韌，但近骨嘅位置配埋少少肥膏，加上脆身嘅皮食落非常惹味鬆脆，再加埋太陽蛋及蔥油送飯真係好正凍檸茶及凍奶茶都好大杯，而且係呢個時代凍飲只係加$3但有咁大杯都真係難得。凍檸茶茶底幾香，唔會澀。星期日午市嚟都要等一等位，但絕對值得等嘅好食茶座