影片
更多
2021-05-12
281 瀏覽
九龍灣工業大厦都有正野食，行落德福大厦過對面馬路，經過其中一間舖，要望入去睇真D就見到有架着住頭燈，充滿泰國地道風味既火車頭造型招待處。後面就係一排綠色廂座設計既卡位，完全俾到我一種好似返左泰國既真實感覺。晏奏天氣有三十度熱，叫杯泰式珍珠奶茶來個透心涼，紅橘茶色飲落都似足紅罐奶茶果份獨有甜味香醇同個tone，加埋Q彈既珍珠好perfect。我就點杯養生薑汁薏米水，味道超清新輕盈而且薑味不太辛嗆，成個杯底都係軟淋薏米，外間比較少有咁重手，真係激讚！主食有肉骨茶啱晒老公，原個沙煲上既風味肉骨茶，色澤冇馬拉果種超濃黑既感覺，胡椒味道比較輕藥材味道相對濃郁。面層既豆卜腐皮盡吸湯汁精華，舀起一匙湯仲有當歸片紅潤杞子同蔘條，加埋軟淋一字排骨連湯帶茶泡飯去食，餘熱入胃十足充完電咁生猛！跟餐有兩條薄皮脆炸春卷，油不多夠乾身餡料豐富。福建炒麵用左Juicy豬腩肉切薄片、鮮蝦碌，配合埋韮菜香味同爽口芽菜炒成一碟有鑊氣帶咸香既麵條，油香鮮味全滲透入麵管之中，好味到只能溶係口中。香葉肉碎蛋炒飯橙紅色既太陽蛋非常搶眼，刺穿旦黃感覺好流心，蛋汁跟Juicy既香口肉碎、爽口青綠色豆角粒加埋飽滿飯粒拌勻，入口辣辣地幾
後面就係一排綠色廂座設計既卡位，完全俾到我一種好似返左泰國既真實感覺。
晏奏天氣有三十度熱，叫杯泰式珍珠奶茶來個透心涼，紅橘茶色飲落都似足紅罐奶茶果份獨有甜味香醇同個tone，加埋Q彈既珍珠好perfect。
我就點杯養生薑汁薏米水，味道超清新輕盈而且薑味不太辛嗆，成個杯底都係軟淋薏米，外間比較少有咁重手，真係激讚！
主食有肉骨茶啱晒老公，原個沙煲上既風味肉骨茶，色澤冇馬拉果種超濃黑既感覺，胡椒味道比較輕藥材味道相對濃郁。
面層既豆卜腐皮盡吸湯汁精華，舀起一匙湯仲有當歸片紅潤杞子同蔘條，加埋軟淋一字排骨連湯帶茶泡飯去食，餘熱入胃十足充完電咁生猛！跟餐有兩條薄皮脆炸春卷，油不多夠乾身餡料豐富。
福建炒麵
用左Juicy豬腩肉切薄片、鮮蝦碌，配合埋韮菜香味同爽口芽菜炒成一碟有鑊氣帶咸香既麵條，油香鮮味全滲透入麵管之中，好味到只能溶係口中。
香葉肉碎蛋炒飯
橙紅色既太陽蛋非常搶眼，刺穿旦黃感覺好流心，蛋汁跟Juicy既香口肉碎、爽口青綠色豆角粒加埋飽滿飯粒拌勻，入口辣辣地幾惹味。食少少酸蘿蔔絲有幫助解腻同減輕一下飽肚感。
張貼
