愛家素食 (淘大商場) (已結業)

食得多肉都想食得健康點，均衡飲食好緊要～ 呢晚試下淘大呢間素食店，以快餐店形式，先點餐後取餐。店家推行純素理念，不含五辛、無蛋、無奶。木瓜雪耳南北杏湯每日會有唔同湯品提供，呢日既木瓜雪耳南北杏湯用上有機木瓜，味道清甜無味精，好滋潤～好有媽媽煲湯既感覺！ 咖喱薯仔洋樂飯用上星加坡咖哩汁，金黃濃香咖哩汁用香茅、黃薑粉、胡椒等調製免治肉粒質感一絲絲，真係好有肉既纖維感，原來係由大豆蛋白、菇腳製成。滷東坡飯用非基因改造大豆做既百頁豆腐，充滿豆香，質感有彈性，好飽滿既口感！ 拌菜有越南紅皮花生，比平時食既花生味道更濃印尼沙嗲串燒煎蛋飯串燒同樣有肉感沙嗲汁用花生粒、芝麻、香茅、南薑調製，好惹味！第一次食素蛋入口質感真係唔講唔知係素蛋蛋黃係南瓜蓉，蛋白仲有燶邊幾香口栗子蛋糕用杯裝住方便食栗子好香滑creamy同樣係無蛋奶純素甜品升糖指數不上升，糖尿患者都可以食㗎！