影片
更多
2023-09-08
182 瀏覽
-🍴🍽🍴🍽🍴🍽🐪🐪🐪🐪🐪🍴🍽🍴🍽🍴🍽-Camlux Hotel君立酒店原址其實係駱駝牌嘅廠房，經翻身後搖身一變成為型格工業風嘅酒店。餐廳內外依然保留咗好多同駱駝牌有關嘅物品做展覽，除咗有唔同嘅照片同畫作，仲有駱駝牌酒杯、煙灰盅、舊式飯壺等等，令到客人係享受餐飲或住宿服務嘅同時都可以了解到駱駝牌嘅故事🐪🐪。餐廳入面最驚喜嘅當然嘅係由七彩顏色嘅駱駝牌保溫壺拼湊出嚟嘅打卡牆🌈！牆上放滿咗駱駝牌多年嚟為各大品牌例如咖啡店、銀行、飲品製造商等等製造嘅保溫壺，有幾款仲係復刻版，靚到想帶哂番屋企！食物方面，午市係半自助形式，Set lunch除咗有主菜、飲品、意大利雪糕(個別套餐需+$20)外，亦可以享用沙律同甜品吧。沙律吧有新鮮嘅沙律菜 、粟米、青瓜、車厘茄、火腿等，甜品區亦有蛋糕仔同生果可以選擇。個人超推薦比較少見嘅花椰菜湯，味道濃郁得嚟唔會好膩😋。Set 1️⃣🥢美國安格斯肉眼扒 $258我哋嗌咗個5成熟嘅安格斯肉眼扒。熟成度啱啱好，中間呈粉紅，表面煎得微焦，內裹嫩軟多汁，非常香口，亦唔會好乾身同韌。伴碟嘅有勁調味嘅薯仔、茄子、翠玉瓜、車厘茄等等，特別鍾意佢嘅薯仔，有落外脆內軟，鹹鹹地忍唔住一啖有
-
🍴🍽🍴🍽🍴🍽🐪🐪🐪🐪🐪🍴🍽🍴🍽🍴🍽
-
Camlux Hotel君立酒店原址其實係駱駝牌嘅廠房，經翻身後搖身一變成為型格工業風嘅酒店。餐廳內外依然保留咗好多同駱駝牌有關嘅物品做展覽，除咗有唔同嘅照片同畫作，仲有駱駝牌酒杯、煙灰盅、舊式飯壺等等，令到客人係享受餐飲或住宿服務嘅同時都可以了解到駱駝牌嘅故事🐪🐪。
餐廳入面最驚喜嘅當然嘅係由七彩顏色嘅駱駝牌保溫壺拼湊出嚟嘅打卡牆🌈！牆上放滿咗駱駝牌多年嚟為各大品牌例如咖啡店、銀行、飲品製造商等等製造嘅保溫壺，有幾款仲係復刻版，靚到想帶哂番屋企！
食物方面，午市係半自助形式，Set lunch除咗有主菜、飲品、意大利雪糕(個別套餐需+$20)外，亦可以享用沙律同甜品吧。沙律吧有新鮮嘅沙律菜 、粟米、青瓜、車厘茄、火腿等，甜品區亦有蛋糕仔同生果可以選擇。個人超推薦比較少見嘅花椰菜湯，味道濃郁得嚟唔會好膩😋。
Set 1️⃣
🥢美國安格斯肉眼扒 $258
我哋嗌咗個5成熟嘅安格斯肉眼扒。熟成度
啱啱好，中間呈粉紅，表面煎得微焦，內裹嫩軟多汁，非常香口，亦唔會好乾身同韌。伴碟嘅有勁調味嘅薯仔、茄子、翠玉瓜、車厘茄等等，特別鍾意佢嘅薯仔，有落外脆內軟，鹹鹹地忍唔住一啖有一啖咁食🤤🤤！
🥢烏龍茶Oolong Tea gelato
Dayvi Gelato都係其中一個吸引到我嚟嘅原因(本身佢嘅雪糕都要$47杯🫢)！除咗雪糕本身冇添加任何人工香料、水份、防腐劑外，材料上亦用咗海藻糖，令Dayvi嘅意大利雪糕比普通雪糕更加低糖低脂，有助減少卡路里吸入之餘亦保持到質素，不失幼滑濃郁嘅口感🤤。個人超級推薦呢一款烏龍茶味，食第一啖已經感受到烏龍茶嘅味道好出好濃郁🤤。
🥢熱檸水🍋
Set 2️⃣
🥢香煎三文魚$178
三文魚嘅份量亦都好大條，外型睇落好飽滿。三文魚外皮煎得酥脆，魚肉呈淡粉紅色，口感柔嫩多汁，唔會好嚡口，一啖咬落去已經感受到三文魚嘅油香。三文魚調味亦都恰到好處，配埋忌廉汁味道更昇華😋。
🥢四莓雪葩Mixberry Sorbet (+$20)
呢款雪葩食落更健康清新，不過味道偏酸😝。
🥢涷檸茶🥤
📌餐廳而家逢星期五六3pm-645pm仲做緊happy hour嘅優惠，客人可以以$150係1小時內享用紅酒、白酒、啤酒、果汁、汔水、沙律同甜品吧🤩🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10
整體 𝗢𝘃𝗲𝗿𝗮𝗹𝗹 7.75/10
-
🍴🍽🍴🍽🍴🍽🐪🐪🐪🐪🐪🍴🍽🍴🍽🍴🍽
-
🗺 Café 15 (九龍灣)
九龍灣宏光道15號君立酒店地下
-
#bakdiu西式 #bakdiu自助餐 #bakdiu九龍灣 #cafe15 #madebycamel #kowloonbay #hkcafe
張貼
