漁牧 (已結業)

漁牧🐠｜九龍灣 奇香味雞煲 甜辣惹味 各款小食｜🤣今日我同羊先生去左megabox 睇戲，所以就打算系megabox食完野就翻屋企。我地睇翻megabox 有咩食，原來megaxbox 高d既樓層都有野食，真系宜家先知。🤔今日天氣都幾凍，所以就想食d熱辣辣既野，我地就揀左13樓食烤魚同雞煲既餐廳。🐣雞煲真系冬天必食，熱辣辣，又夠惹味，仲可以打埋邊爐。不過我地今日無乜時間所以就甘當叫小菜甘食個雞煲就算啦。🐣奇香味雞煲如果當小菜甘食既話，分量就岩岩好，不過就覺得唔太夠喉，因為佢既味道真系唔錯。惹味，甜甜辣辣甘，辣既程度就對我黎講岩岩好。食完唔會覺得太重口味，比起其他餐廳既雞煲，佢多左一陣清新，食完唔會口乾。基本上一上枱，唔洗5分鐘就滾，甘就食得。🌶麻辣腎片雞腎片夠入味，好軟。麻辣味十足，又香又辣，味道都好多層次。食落都唔覺得有異味。佢仲配有手拍青瓜，夠曬清新。🥒青瓜拌海蜇尼個係另一款小菜。唔知有無人同我一樣都好鍾意食海蜇？今次既海蜇酸酸辣辣，不過辣味就比酸味更加出，好開胃。海蜇都好爽口，唔錯同樣有手拍青瓜係底，吸曬醬汁既味道。🥬魚湯浸時蔬魚湯比想像中鮮味，菜心都爽脆清甜，無渣，正常發揮～🥥