城寨風味

營業中

休息中

九龍城一直都美食雲集，除左泰菜，火鍋外，都隱藏唔少唔同地方既美食，好似今日食既城寨風味，就係一間精緻既中餐館。走入城寨風味，彷彿置身舊日九龍城寨，牆花裝潢都一副仿古味道。打開餐牌，每道菜式都感覺毫不簡單，好多款都吸引到我哋，可惜只有兩個人，食完好食下次一定揾埋三五知已來食，最後我哋點左一隻秘製紅燒乳鴿，金沙蝦球同魚米龍躉泡飯，足夠我哋兩個食飽有餘。秘製紅燒乳鴿，表皮炸到油光四射，碟上無多餘既油，咬一口感受到乳鴿外皮香脆，肉嫩鮮美，連骨都食得落肚，可見乳鴿之幼嫩。金沙蝦，上到枱時嚇一嚇，蝦球大粒粒，炸得好酥脆，外皮滿滿咸蛋黃，食落蝦肉彈牙，份量十足。魚米龍躉泡飯，脆米啱啱炒好，埶辣辣好香米味，泡飯魚湯底鮮甜，龍躉肉細切成粒，同泡飯一啖食啱啱好。估唔到城寨風味每份餸菜都咁大份，呢度應該3個人都足夠有餘，埋單都係500零，咁既質素真係算得上價廉物美，值得推介。