影片
更多
2023-04-11
66 瀏覽
同撈同煲 📍九龍城打鼓嶺道70-72號地舖 🌄環境 成個感覺都好70年代懷舊香港風格，牌匾嘅霓虹燈，入面嘅懷舊海報、燈、牆紙等，都好有feel，好適合打卡！ 🧡食物 🍲 冬甫美人鍋 $228 呢個湯一上嚟就feel到有料，當中有冬瓜、紅棗、娃娃菜、蟲草花、淮山同半隻雞，好足料，而個湯成個呈現金黃色嘅，入口好鮮甜好好飲，我同幾個朋友都飲左兩三碗之後先開始碌嘢食，建議第一輪嘅時候飲多幾碗先，加湯之後先開始碌嘢食，因為加湯之後會淡好多~ 推薦度：😋😋😋😋😋 🥩 安格斯牛肉 $198 幾大份，花紋好靚，好新鮮嘅，屬於比較厚切，所以口感幾好，好嫩滑~碌兩下就可以食得，好好食！ 推薦度：😋😋😋😋 🦐 鴛鴦滑 $108 係蟹籽蝦滑同黑松露墨魚滑，兩者都保留咗啲蝦粒同墨魚粒，食落紮實而鮮甜嘅滑當中，夾雜住啲好爽脆嘅粒粒，好正，我比較鍾意墨魚滑多啲，因為佢嘅黑松露同墨魚融合得好啲，但係蝦滑嘅話，因為蟹籽喺面，所以落煲嘅時候有啲跌咗出嚟，變相融合得唔係幾好，但係兩樣都好食嘅，feel到係新鮮嘅，我推
📍九龍城打鼓嶺道70-72號地舖 🌄環境
成個感覺都好70年代懷舊香港風格，牌匾嘅霓虹燈，入面嘅懷舊海報、燈、牆紙等，都好有feel，好適合打卡！
🧡食物
🍲 冬甫美人鍋 $228
呢個湯一上嚟就feel到有料，當中有冬瓜、紅棗、娃娃菜、蟲草花、淮山同半隻雞，好足料，而個湯成個呈現金黃色嘅，入口好鮮甜好好飲，我同幾個朋友都飲左兩三碗之後先開始碌嘢食，建議第一輪嘅時候飲多幾碗先，加湯之後先開始碌嘢食，因為加湯之後會淡好多~ 推薦度：😋😋😋😋😋
🥩 安格斯牛肉 $198
幾大份，花紋好靚，好新鮮嘅，屬於比較厚切，所以口感幾好，好嫩滑~碌兩下就可以食得，好好食！ 推薦度：😋😋😋😋
🦐 鴛鴦滑 $108
係蟹籽蝦滑同黑松露墨魚滑，兩者都保留咗啲蝦粒同墨魚粒，食落紮實而鮮甜嘅滑當中，夾雜住啲好爽脆嘅粒粒，好正，我比較鍾意墨魚滑多啲，因為佢嘅黑松露同墨魚融合得好啲，但係蝦滑嘅話，因為蟹籽喺面，所以落煲嘅時候有啲跌咗出嚟，變相融合得唔係幾好，但係兩樣都好食嘅，feel到係新鮮嘅，我推薦唔好點豉油食，更加食到鮮甜嘅感覺 推薦度：😋😋😋😋😋
🥟 芋頭腊味餃 $88
呢個比到驚喜我，我想嗌嘅時候我frd仲阻止我，覺得會伏，但係我一意孤行！點知真係幾好食，入面有啲芋泥同臘腸粒，好正，成個餃子都充滿臘腸嘅香味，臘腸碌完之後變到好稔，成個口感好夾，味道特別得嚟，feel到店家係有諗過先推出嘅，好有心！ 推薦度：😋😋😋😋😋
🎏 shake shake手工炸魚皮 $78
呢個幾有趣，係好似m記咁俾包shake shake粉你，然後自己shake，包粉係芝士粉嚟，唔夠嘅話可以再攞，我會推薦就噉食多啲，噉樣先食到嗰浸芝士味，但係因為我哋擺咗一陣先去shake，所以唔夠癡粉，芝士味比較淡，所以記住一上台就shake咗佢先啦，但係都好食嘅，好酥脆，幾有趣！ 推薦度：😋😋😋😋
🍤 懷舊蝦多士 $68
呢個真係好耐無食過啦！睇個樣都覺得好食，麪包係炸到已經酥曬脆曬，蝦肉又十分彈牙，好食！ 推薦度：😋😋😋😋
🔥 即炸響鈴 $58
新鮮嘅即炸響鈴就係可以即刻食，佢喺牙齒掂到佢嘅瞬間就摧枯拉朽咁化成碎屑，唔誇張，極度脆，豆香又好濃，建議一半攞嚟就噉食，一半攞嚟碌，好正！！！！ 推薦度：😋😋😋😋😋
🧀 香濃芝士豆腐 $38
好香嘅芝士味，但係要小心辣親！ 推薦度：😋😋😋
🐝 蜂巢豆腐 $38
豆香同香濃嘅湯一齊真係無敵嘅，好好食！
推薦度：😋😋😋😋
🍜 紅薯粉 $38
最吸湯嘅紅薯粉，碌幾分鐘就食得，好滿足！
推薦度：😋😋😋😋
💙 甜品
準備埋單嘅時候，店家同我哋講有送甜品，真好！
🪼 啫喱 送
有種返到去童年嘅感覺，甜甜地好有童趣，幾清爽！ 🍬 懷舊糖不甩 送
糖不甩係鯉魚形狀嘅，好可愛，碌兩下就食得，夾出嚟剪成一舊舊，點花生碎，我細個媽媽經常整嚟食，估唔到今日可以係打邊爐店入面重返童年，開心！ 💛 題外話
我frd唔小心碌到隻手，同個店家講嘅時候佢即刻攞咗一支全新嘅藥膏塞比我frd叫佢搽，又攞一支好大嘅藥膏叫佢而家搽咗先，好好人！仲時不時過嚟幫我地加水、幫我地剪糖不甩，好熱情，懷舊風格嘅店好多，但係有幾何做到以前香港嗰種人情味？呢啲先係真正嘅懷舊！
張貼
