泰皇閣泰國菜館

營業中

休息中

想食正宗嘅泰國菜，梗係要去九龍城，位於衙前塱道嘅《泰皇閣》鄰近宋王臺港鐵站，交通好方便。店內裝修都好有泰國特色，擺放了一啲泰國嘅神像，供奉嘅位置，炸蝦餅拼春卷~即叫即做，熱辣辣炸起，非常香口，蝦餅爽口彈牙，春卷唔會炸得太老。冬蔭功海鮮湯~冬蔭功湯有少少辣嘅，唔食得辣嘅可以叫清湯，材料豐富：青口、大蝦、魷魚、秀珍菇...... , 味道夠香濃，酸酸辣辣特別醒胃。燒海盲鰽~朋友特別想試呢個鹽燒，大家要有少少耐性，燒烤做法需要多少少時間呢，上菜時的賣相已經好吸引，打開魚皮就可以清楚見到裏面嘅魚肉，食落軟滑，肉質鮮甜，完全保存到魚肉魚汁嘅香味，沾小小泰國蒜蓉辣椒汁更惹味。龍眼冰~內含大量龍眼肉，有得飲有得食。椰汁冰~呢個都可以嗌小冰，特別喜歡椰汁香甜味道。