石一燒 (九龍城) (已結業)

呢間店有兩間分店，包括大角咀同九龍城，今次我地就選擇左黎到九龍城呢間分店。夜晚既九龍城比較黑，呢間餐廳個招牌就非常光猛，同條街有明顯既對比！入到去店鋪，麻雀雖小，竟然放到十張枱！一大班朋友都可以坐到啊。而且入面都係好乾淨、光線非常充足，唔似平時d石燒店好昏暗咁。我地叫左豬、牛既一人餐，餐包括左沙律、味噌湯、茹、飯、烏龍茶、仲有雪糕。兩個人食左五百幾蚊~要特別提下味噌湯，佢幾特別架！味道令人覺得好熟悉，但係佢表面有一堆櫻花蝦，平時去石燒好少見到呢一種!