影片
更多
2022-05-26
1011 瀏覽
之前食個中午套餐都幾好食，就嚟咗試下母親節套餐，估唔到每樣嘢都唔錯！如果想食晚市中菜都可以考慮吓~愛母宴套餐$2688 8位用🍴乳豬拼海蜇 (7/10)乳豬好香脆，皮下面帶住好多肥膏，食落比較油膩，咗一舊就唔想食🤣海蜇好爽口，好大條，ok的🤣🍴芝士龍蝦伊麵 +$268 (8/10)龍蝦新鮮，肉質彈牙爽口，有龍蝦鮮味，伊麵煮得偏淋，比較似上湯伊麵，冇乜芝士味，汁太多，太稀身，但個汁幾香食得到龍蝦嘅鮮味。🍴碧綠帶子炒螺片 (8/10)帶子啱啱好熟，好鮮味，肉質係一絲絲，有口感，唔會太硬太淋，螺片爽口冇異味，四季豆炒得好爽口，炒得幾好食。🍴杏香百花球 (9/10)即叫即炸，好香脆，入面係蝦膠，好彈身有蝦味，杏仁放左係外層，增添香氣同口感！🍴紅燒竹笙雞絲翅 (8/10)調味適中，雞湯鹹香，食到好多雞絲，翅都爽口！唔加紅醋都好好食！🍴原隻鮑魚扣金錢 (7.5/10)鮑魚雖然係罐頭，但都好爽口彈牙冇異味，冬菇係浸水冬菇，好有菇味好淋身，生菜爽口唔會淋。🍴清蒸海星班 (8/10)蒸得啱啱好好，肉質好滑，食得出新鮮東星班，魚肉香甜。🍴 脆皮燒鵝皇 (9/10)燒鵝有驚喜，皮脆有油脂嘅香味，肉質嫩滑有鵝
愛母宴套餐$2688 8位用
🍴乳豬拼海蜇 (7/10)
乳豬好香脆，皮下面帶住好多肥膏，食落比較油膩，咗一舊就唔想食🤣海蜇好爽口，好大條，ok的🤣
🍴芝士龍蝦伊麵 +$268 (8/10)
龍蝦新鮮，肉質彈牙爽口，有龍蝦鮮味，伊麵煮得偏淋，比較似上湯伊麵，冇乜芝士味，汁太多，太稀身，但個汁幾香食得到龍蝦嘅鮮味。
🍴碧綠帶子炒螺片 (8/10)
帶子啱啱好熟，好鮮味，肉質係一絲絲，有口感，唔會太硬太淋，螺片爽口冇異味，四季豆炒得好爽口，炒得幾好食。
🍴杏香百花球 (9/10)
即叫即炸，好香脆，入面係蝦膠，好彈身有蝦味，杏仁放左係外層，增添香氣同口感！
🍴紅燒竹笙雞絲翅 (8/10)
調味適中，雞湯鹹香，食到好多雞絲，翅都爽口！唔加紅醋都好好食！
🍴原隻鮑魚扣金錢 (7.5/10)
鮑魚雖然係罐頭，但都好爽口彈牙冇異味，冬菇係浸水冬菇，好有菇味好淋身，生菜爽口唔會淋。
🍴清蒸海星班 (8/10)
蒸得啱啱好好，肉質好滑，食得出新鮮東星班，魚肉香甜。
🍴 脆皮燒鵝皇 (9/10)
燒鵝有驚喜，皮脆有油脂嘅香味，肉質嫩滑有鵝味，連胸肉都好好食，真心下次想外賣返屋企加餸！
🍴鮑汁荷葉飯 (8.5/10)
份量好多，荷葉味好香，鮑汁調味啱啱好，飯粒唔會太濕，入面有蝦米雞肉用料都好多，真心用心去做個飯，冇唔好求其Hea🤣
🍴賀母蟠桃 (9.5/10)
平時好唔鍾意食蓮蓉壽包，又甜又膩，但呢個真係有驚喜，蓮蓉唔會太甜入面有包鹹蛋黃，個鹹蛋黃係流沙嫁！鹹香又中和甜膩，麵包香甜有韌度，真心好好食，食完一個都會想食多個😆
推薦指數: 8.5/10
真心好耐冇食過酒樓嘅套餐係咁好食，起碼每一樣都唔伏，有中上嘅質素！屋企人都好鍾意，仲話下次生日嘅話再嚟食飯🤣🤣🤣屋企有老人家又想食中菜都會推薦呢一間！
張貼
