影片
更多
2010-04-20
161 瀏覽
17-4-2010喺佐敦返了 10 幾年學, 呢間小店曾經係我飯堂 (http://www.openrice.com/restaurant/commentdetail.htm?commentid=73093), 是日忽然想嚟「懷勉」一下, 3:xx pm 捉了朋友陪我嚟食 late lunch .叫了「磨菇煙蠔意粉」套餐, 跟湯, 甜品及飲品 (好似 $45):餐湯係「薯仔忌廉湯」飲落雖然有薯味, 但質地稀稀的, 粉多過乜, 味道同多年前一模一樣 「磨菇煙蠔意粉」落了蕃茄, bacon 及洋蔥炒, spaghetti 雖然唔係 "al dente", 但煮得幾有咬口, 絕對唔係港式意粉的腍 bad bad, 每一條都沾上醬汁 (帶點酸但又好 creamy, 唔知乜嚟?), 40 幾蚊嚟講好好食了; 磨菇夠香,「煙蠔」就得啖笑, 不論賣相及味道都似碎濕濕「煙味的蠔豉」多 d , 食落硬硬的.朋友叫了「奶油忌廉汁鴨胸意粉」的套餐, 只跟一杯飲品... 試了少少意粉, 呢碟近 al dente 多過我嗰碟, cream 汁亦夠 creamy, 不過質地有點杰, 食落太黏口又好飽膩. 鴨胸
喺佐敦返了 10 幾年學, 呢間小店曾經係我飯堂 (http://www.openrice.com/restaurant/commentdetail.htm?commentid=73093), 是日忽然想嚟「懷勉」一下, 3:xx pm 捉了朋友陪我嚟食 late lunch .
叫了「磨菇煙蠔意粉」套餐, 跟湯, 甜品及飲品 (好似 $45):
餐湯係「薯仔忌廉湯」飲落雖然有薯味, 但質地稀稀的, 粉多過乜, 味道同多年前一模一樣
「磨菇煙蠔意粉」落了蕃茄, bacon 及洋蔥炒, spaghetti 雖然唔係 "al dente", 但煮得幾有咬口, 絕對唔係港式意粉的腍 bad bad, 每一條都沾上醬汁 (帶點酸但又好 creamy, 唔知乜嚟?), 40 幾蚊嚟講好好食了; 磨菇夠香,「煙蠔」就得啖笑, 不論賣相及味道都似碎濕濕「煙味的蠔豉」多 d , 食落硬硬的.
朋友叫了「奶油忌廉汁鴨胸意粉」的套餐, 只跟一杯飲品... 試了少少意粉, 呢碟近 al dente 多過我嗰碟, cream 汁亦夠 creamy, 不過質地有點杰, 食落太黏口又好飽膩. 鴨胸煎過, 賣相幾靚, 唔知好唔好食?
甜品揀了「吉士蛋」, 即好耐無食又好難搵到好食的 creme caramel Custard 唔算銖滑, 但夠晒蛋香, 甜度剛好, 面頭的 caramel 就甜得來帶點甘苦, 勁喜歡呢隻味 據聞單點只售 $10, 作為 homemade 貨色值得試試.
飲品叫了 caffe latte... 阿姐聽我問有無「鮮奶咖啡」, 寸我「你講咩鮮奶咖啡? 我哋 d 咖啡全部用鮮奶做嘅, 你要 cappuccino 定邊款?」, 好似好 pro 咁喎? 但就丟低杯「洗潔精咖啡味飲品」俾我, 全杯嘢有超過一半都係「洗潔精」, 剩返的所謂咖啡就極苦澀, 難飲到呢 原來 caffe latte 係咁0架? 阿姐,「失覺」晒喎!
朋友的套餐無甜品, 但見我食 creme caramel 食得咁開心, 結果又散叫了一小 slice American cheesecake... 一樣 homemade, 賣相及味道亦然, 芝味夠香濃, 蛋糕亦帶點鬆軟, 幾好食.
食物仍然不錯, 環境亦仍然殘舊及迫夾, 不過招呼就係我嚟過咁多次之中最差的, 除了 caffe latte 事件俾阿姐勁寸之外, 仲有位「江湖」味勁重的金毛伙計, rude 到又兇到呢 , 食完快閃好了.
每人約 $50, 唔貴, 不過沉醉過去的確傷身又傷心, 做人還是往前看好一點.
張貼
