勝記酒家 (已結業)

年輕一輩既我地, 很少會主動去食中菜, 但自從同屋企人去過勝記食晚飯, 食過呢間既乳豬, 就開始對中菜冇咁抗拒。今晚仲相約同事, 帶佢地食好西tim~!平日7點左右, 酒樓內已坐滿8成客人, 大多都是一家大細約埋一齊食dinner。鄰座的食客更同呢度既待應有講有笑, 似乎大多都是熟客食過返尋味。我地order左款小菜同埋唔少得既乳豬食....【乾隆醉雞】HK$58係呢度食左幾次醉雞, 好食當然要encorn, 但似乎今次水準有點下降。雖然酒味同樣香醇, 但一向凍食既醉雞, 今次竟然是暖暖的...食落有d怪~【椒鹽豆腐粒】HK$48外皮炸至鬆脆, 內裡的豆腐滑得入口即溶, 表面加左少少椒鹽吊味~【勝記即燒乳豬】HK$150 (例牌)黎到以乳豬出名既勝記, 就算人少少都要order個例牌黎食。乳豬皮跟乳豬肉已被預先分離, 而且乳豬皮層下沒有肥油層連帶, 入口時乳豬皮仲脆卜卜, 帶碳燒香, 肉質juicy~ 還配上粉餅皮夾住食, 減少飽滯感。 【黑椒金菇肥牛煲】HK$88肥牛煲熱辣辣上檯, 一開蓋, 香氣四溢, 肥牛份量不少, 仲有大量既金菇同埋炒絲, 因為加左黑椒, 味道辣辣地, 好惹味。