影片
港鐵灣仔站 A1 出口, 步行約7分鐘
繼續閱讀
營業時間
星期一至日
10:30 - 23:00
以上資料只供參考, 請與餐廳確認詳情
好友聚會，又要食，又要不限時，又預大家要飲番幾杯的話，去粵菜館食晚飯就是最佳的選擇。這一天，會合了幾位以前灣仔的 lunch 飯腳晚飯，聚舊的活動當然是飲下食下，唔想有時間限制。舊同事推介過，酒肉朋友推介過，以前叫《兜記》的《勝記》，是一個又食又可以摸杯底的好選擇。位於羣策大廈，是一間比較有 private 感的上樓中菜廳。地方不太，又有少少 private，所以好受商家歡迎。當日其實失策了的，因為我們都不太好酒，所以半支酒也沒有帶上，所以，我們只有臨場叫啤酒飲。此餐廳沒有提供啤酒杯，一人一來個戰鬥碗，令大家飲得更加之盡情。前身的《兜記》，馳名的是即場燒的乳豬。我們沒有預訂也可以叫一個例牌份量來品嚐。豬皮香脆，夾著軟包同醬一起吃，味道更佳。只是我們都嫌例牌的份量太少。另一個例牌燒味雙併，一份叉燒加一份燒鵝。燒鵝味道香濃，燒到化皮，而叉燒是又腍又香的梅頭肉。這一刻，大家都想到飯，而結果就是，每人叫了一碗白飯。胡椒豬肚湯，是一個出外飲食才會叫的湯。這兒可以說是做得很出色。咸菜帶出了一定的咸酸香，豬肚夠腍，很易亦很好咀嚼，湯有咸香，有酸香，也有辣辣地的胡椒香，整個感覺很美妙。砵酒焗蠔，原隻的美國桶蠔，份量就是一人一隻。酒香味濃郁，蠔隻夠大，入口也有令人開心的爆醬感覺，由內而外同外至內都充滿香口味道，不錯。蒸蟶子也是一人一隻的份量。原條肉厚的蟶子，肉質當然也是爽口高質素。加蒜蓉粉絲清蒸，就是大蟶子的最佳食用方法。食物很好，但份量也就是太細了。於是，我們加點一些佐酒的小食。其中一個是口水雞。由於這只是前菜小吃，份量更加之細。但，這口水雞辣勁充足，辣中亦帶有非常香的雞油味，而且肉質爽嫩，很是好。鹵水掌翼的味道好，但他們選擇的鵝似乎冇乜肉，要費少少功夫才能夠成功把皮同僅有的肉咬出。不過，用來佐酒聊天，倒是不錯。最後，來了一客京都骨。酸甜合一在排骨，用這樣的詩意感覺去描述是最合適的。一條骨，一杯酒，感覺很妙。再要說，就是一個香口的炒豆角。輕輕辣伴著青菜，十分之惹味。慢慢細味中，也是這一個感覺啊。加一口啤酒來陪襯，更爽。味道好，但份量細。不過，這《勝記》有好多香口的菜式，好多小菜，前菜，都是陪酒的佳品。難怪喜歡飲酒的一班朋友，都經常把這一家中業館掛嘴邊啦。
繼續閱讀
食咁多餐都未見過服務咁差。有個肥中女穿黑色西裝的 問兩問菜單已經語氣唔耐煩態度差。咁問完同一班朋友商量想食乜再點.話轉頭落單 之後揮手勁耐 條身形寵大又化濃妝架中年女MANAGER行過都扮睇唔到走左去。 個中年女MANAGER女人應該係經理部長。POOR ATTUTUTE ANd MANNER不單止 仲聽到佢對班細架呼喝同鬧人添。影衰餐廳 我係食客絕對因呢個女人絕對唔會再來 除非炒左呢個女人。同埋要對單。點套餐會不停水你轉貴野 。要問清楚價錢。亂來的。真想駡返個經理 寫呢編野睇返其他人評價 態度差 亂收錢 食物油膩 希望店老闆睇到咁多劣評 改善 唔係一定無生意
繼續閱讀
灣仔幫襯開酒樓，執左2間了。所以要另尋揾食地了。呢坐嘢有2間酒樓，之前幫襯過，不過太耐了。今日試左其中一間先。上到去，人真的不多，半間酒樓都唔夠。坐低見到set餐具，係吸引嘅，胃口都好D。呢個炸兩好正，真係即整，因為個油炸鬼仲脆嫁。個腸粉亦夠滑，仲好長添，咁到低佢係一條過定係幾條，再切左頭尾變左一頭過呢？仲叫左叉燒包，一間酒樓最基本 一定要試過嘅叉燒包，所以必試。可以喎，唔太甜，個包身唔濕唔乾，適中。整體個叉燒包係令你想再幫襯嘅。另外粉果都係酒樓基本，睇得出師父功夫好，個皮薄得黎，夾唔爛嘅，餡料亦都足。價錢唔太清楚，大約中價，都可接受嘅，想食中菜又唸唔到食乜，可以黎。
繼續閱讀
朋友近來搬了office到灣仔，約埋一起到附近晚飯，發現這間勝記酒家就試下先，這間酒家較為舊式但乾淨企， 為慶祝喬遷之喜梗係要大魚大肉囉，先呢一隻紅燒乳豬這裏的乳豬非常了得，皮脆肉嫩， 脂肪有不會太肥， 這裏還很細心安排熱辣辣蒸好的薄包片連夾乳豬醬一起食用， 還可以減少油膩， 非常滋味。大家都非常讚賞。其餘小菜都好出色， 佛手瓜煲豬踭湯，菠蘿生炒骨，梅菜蒸菜心， 椒鹽鮮魷，這些都是大眾化小菜但這裏煮得非常唔錯， 還有一啲傳統冷盤小食子薑皮蛋。這間酒家給人感覺比較傳統老式，侍應都有些上年紀的，但非常用心招待有禮， 食材又有質素，整體非常唔錯值得支持這些老店。
繼續閱讀
星期日茶樓飲茶一般都有人滿之患，如果沒有預早訂檯， 就要逐間去碰下運氣。誤打誤撞上左灣仔群策大廈 三樓 “勝記”，經理話已經執緊枱等五分鐘就可以就坐。原隻鮮蝦腸粉 是特點 $31.80，蝦腸的蝦相當新鮮，大隻爽口 ，但腸粉就太削易爛；鮮蝦菜苗餃 的皮也是同一個問題，唔夠煙韌，一夾落去就漏曬啲餡料出嚟，但勝在餡料充足好味，爽口彈牙，菜苗餃應該多點菜就更好；蟹子燒賣味道一般 豬肉太多 好死實!沙律鮮蝦角 就唔係好掂 ，個皮可能炸起放得太耐，好韌皮，一啲都唔脆口!另外我們開了一壺壽眉，但茶葉有一陣好舊的味道，建議下次最好自己帶茶葉 。總括來說，“勝記” 地方清潔，服務合格，食物水平一般，勝在價錢合理。
繼續閱讀