龍記飯店

營業中

休息中

平時多數來買外賣， 買燒味回家加餸， 幫襯左咁多年，堂食反而是第一次。自從搬到九龍，暫時仲未搵到一間燒味味道是我地喜歡的。所以每次都要專程去港島區買。今日難得唔趕時間， 所以就嚟堂食。我點左乳豬四寶，朋友就點左招牌四寶。可惜朋友怕蛇，否則我一定會點佢嘅蛇羹，我見好多人叫，大部分是熟客，所以應該是好味的。估唔到燒味飯嘅燒味份量好足喎，我反而覺得飯好似少。乳豬皮勁脆但唔肥，唔會食到成口油，而义燒是燒骨，所以味較濃肉較少。我一下忘了加最精粹嘅咸蛋，幸好朋友的有， 可以分我一半。總括嚟講，因為是熟悉嘅味道，雖然不是非常好味，但就食得好舒服。