新斗記 (已搬遷) 新店位置

今晚同朋友食飯 食得西餐太多 要食番d中餐平衡番。最後朋友介紹去佐敦新斗記，見近近地 幾就腳，一於試下。一坐低，有d驚喜，因為佢地用公雞🐓餐具，好有味道！ 茶水配吹水最岩，坐得都幾舒服。試左乳豬非常脆皮，肉同皮都係分開，再沾埋個乳豬醬真係唔講得笑，爽爽聲。焗蠔亦唔錯，非常肥美大隻，上既時候仲係出哂煙，非常有鑊氣，當然個燒熱既煲仔功勞最大！ 仲有其他幾個小菜亦都不錯。食到好飽，經理仲問我地要唔要糖水同生果下次如果約左朋友來吹水都可再來。