彩福皇宴 (已結業)

由於家姐之前食晚飯滿$300送左張乳豬劵，所以我地昨晚一家人去左太子始創中心的彩福皇宴食晚飯！首先來的係免費的乳豬，2-6位送半隻，7位以上送一隻！熱辣辣，脆卜卜，好正，不過明顯沒有肉味，一食就知道係"雪藏豬"，扣左一d分！一斤海蝦：$70,有水準，隻隻都好大隻，而且隻隻都好爽口！不過有一隻蝦頭有綠色的，奇怪~紅燒北菇豆腐煲：我沒有吃到，不過其他人食過都幾好！翡翠炒吊片：幾好呀，清清地！生財豉油雞：$78勁大隻，好多酒樓半隻都食唔到啦！佢就大大隻，而且好滑又夠味！清蒸海清斑1斤：$68,超滑，1 斤岩岩好，2斤原本仲抵，不過waiter話來貨貴左，已經唔做$128的promote(但張poster仲大大張post左出來)蝦乾瑤柱魚腐浸娃娃菜：家常小菜，清清地！金瑤海皇粒炒飯：炒得好乾身，用料十足，抵讚！預祝我同哥哥7月27日及7月26日生日，所以叫了壽包：$68半打，超大個！又係一個手掌甘大！隻隻都有個大大的咸蛋黃，而且係流哂油！蓮溶唔太甜，岩我！環境好讚，冇柱位，擺酒一流！紀念品：乳豬頭可以用來餵狗！今次又食滿300蚊，所以又送番一張乳豬劵，都係1個月內有效，星期一至五可用，要預先2