強記乳鴿1983

營業中

休息中

河畔果間新強記，我細細個就成日食佢啦，裝修前都成日去食乳鴿同埋雞粥，咁今次裝修後就第一次去幫襯，裝修完之後環境非常好，坐得舒服好多，好啦，試下味道有無變先。由於兩個人關係，都唔係叫好多野，叫左幾個餸。首先係乳鴿全隻上，味道依舊，大大隻，講真，我覺得全沙田最好食嘅乳鴿絕對係新強記，肉質夠味，當你撕開d肉果陣d油係咁流出來，好香，而且個皮好脆，啖啖肉香，絕對係保留到個水準。跟住係金銀蛋白菜仔，e個菜式份量都好大份，但係唔知點解就無左d咸蛋王，但係味道都ok呀！最後就係個紅燒肉啦，可能個工序比較多啦，所以等緊時間都真係幾耐，食晒個乳鴿同菜都起碼等左15分鐘左右啦，黎到之後都真係好香，份量都係好大，試下舊肉又真係入口即溶，個汁又惹味，絕對係送飯菜式，可惜最後都食唔晒，打包走，會再黎幫襯。