唐宮壹號 (已結業)

經過灣仔，屋企兩老話想試下甘飯碗⋯⋯好多人喎，又唔想佢地等甘耐，唯有搵下附近有乜好食。之前試過中環「唐宮小聚」，直覺覺得合和呢間唐宮一號應該同出一轍，果間都唔差，呢間應該唔會點甩轆卦？唔好講笑，坐低一定要叫燒乳鴿食，$38隻喎，乳鴿燒得夠乾身，唔會油立立，呢個真係要食！另一推介係龍蝦湯泡步步米，因為d米好似米通甘，食落粒粒都仲有點脆脆地既感覺，唔似湯飯甘浸到d粒爛晒晚市佢都有d包點既，我點左個松露磨菇包，我估呢個都係現成來貨，因為之前係第二間餐廳都有食過一模一樣既包，不過外形同一隻冬菇無分別，都幾過癮，同埋個包都幾香松露味，可以一試。其他菜式就一般啦，唔算太差，而且都坐得舒服既，唔會太迫～