四爺車仔麵專門店 (已結業)

糧尾要慳住駛，同男朋友食車仔麵。自己近排腸胃唔好，都係唔好食啲肥膩野啦。呢間乾淨企理，坐得舒服。滷水豬大腸 唔會有奇怪羶味，都算洗得幾乾淨，咬落去唔會嚼唔爛，食落帶點油脂香。最緊要既係佢唔會一味死鹹，香料味夠。咖喱豬皮一碟都唔少，咖哩汁係港式咖哩既味道，豬皮爽口彈牙，吸哂咖哩汁既味，醃麵食都好夾。柱侯牛筋腩 牛筋炆得軟腍唔過火，好既牛筋腩連軟骨都滲入左柱侯醬嘅味，可想而之有幾入味。粗麵既湯底揀左濃郁既豬骨湯，好鐘意呢間熬製既豬肉湯，唔係好覺有味精，食完麵唔會太頸渴。檸樂 係原罐可樂，特別爽😂