巨根小菜王 (已結業)

行過旺角唔知食乜好，本來諗住入一間蒸氣火鍋，但家人又想食小炒，發現樓上原來就係食小炒嘅地方，見到環境都好乾淨，一於入去試吓！Facebook like就每人送一碗自家製老火湯，今晚係紅青蘿蔔粟米湯，雖然冇屋企高嘅咁老火，但味道清甜，飲得杯落！黃金脆豆腐外脆內軟，豆腐好滑好香，只係略嫌外皮有少少厚，但勝在好香口，也不會太鹹。黑椒牛仔骨係最惹味嘅一道菜，用個汁來送飯味道一流！另外清清地叫咗一份魚滑魚湯浸時蔬，湯底好清甜，白菜仔好林好甜，味道唔錯。最後要左一個瑤柱蛋白炒飯，飯一粒粒，唔會太油膩，幾十蚊就份量咁多好抵食！