影片
更多
2022-04-07
34 瀏覽
拎左消費劵，Lunch就喺公司附近【燒味滷師】買D燒味同同事加餸。呢間燒味店比起傳統果d光猛清潔，唔會有油笠笠嘅感覺，價錢仲要好實惠，所以好多街坊都會幫襯。至尊燒鵝 下莊 ($120)鍾意食燒鵝髀嘅我，當然要買下莊，鵝皮色澤光鮮均勻，油光好吸引，返到公司外皮仍然帶脆。鵝髀啖啖肉有油香，鵝肉醃得入味，食落肉質滑嫩，點埋甜酸醬一齊食，唔會覺得好油膩。玫瑰豉油雞 半隻 ($40) 油雞有貴妃雞、豉油雞及鹽焗雞3款揀。豉油雞色水好靚，入味得嚟唔會太咸，食得出雞嘅原味。雞皮爽滑、雞肉都好嫩。豉油汁甜甜哋，用嚟送飯一流。燒味佬叉燒 半斤 ($40)叉燒外皮紅彤彤，掃左厚厚一層蜜汁，立立令嘅外皮，睇落都覺得Juicy。7分瘦3分肥，食落口感鬆軟唔會柴。邊位帶點燶焦香，未必健康但偏偏就係最好食嘅地方。海蜇拼泰式鳳爪 半磅 ($42)小食泰式鳳爪酸辣味適中，皮夠厚身，嚼感好好。海蜇爽口彈牙，兩款都雪得夠凍，配上酸醋吃非常醒胃。
拎左消費劵，Lunch就喺公司附近【燒味滷師】買D燒味同同事加餸。
呢間燒味店比起傳統果d光猛清潔，唔會有油笠笠嘅感覺，價錢仲要好實惠，所以好多街坊都會幫襯。
至尊燒鵝 下莊 ($120)
鍾意食燒鵝髀嘅我，當然要買下莊，鵝皮色澤光鮮均勻，油光好吸引，返到公司外皮仍然帶脆。鵝髀啖啖肉有油香，鵝肉醃得入味，食落肉質滑嫩，點埋甜酸醬一齊食，唔會覺得好油膩。
玫瑰豉油雞 半隻 ($40)
油雞有貴妃雞、豉油雞及鹽焗雞3款揀。豉油雞色水好靚，入味得嚟唔會太咸，食得出雞嘅原味。雞皮爽滑、雞肉都好嫩。豉油汁甜甜哋，用嚟送飯一流。
燒味佬叉燒 半斤 ($40)
叉燒外皮紅彤彤，掃左厚厚一層蜜汁，立立令嘅外皮，睇落都覺得Juicy。7分瘦3分肥，食落口感鬆軟唔會柴。邊位帶點燶焦香，未必健康但偏偏就係最好食嘅地方。
海蜇拼泰式鳳爪 半磅 ($42)
小食泰式鳳爪酸辣味適中，皮夠厚身，嚼感好好。海蜇爽口彈牙，兩款都雪得夠凍，配上酸醋吃非常醒胃。
張貼
