怡苑燒鵝酒家 (已結業)

個friend帶咗我去佢friend介紹，但自己未嚟過的酒樓打邊爐，都係食下吹下水jei。入到去唔係太多人，有晚市有打邊爐，唔知係新開定無咩人光顧，整體感覺良好，可以用乾淨嚟形容依間酒樓。先揀湯底，除了沙爹湯同莞茜湯外，仲有個叫蕃茄薯仔湯底，唔想太熱氣又想試新嘢就揀咗佢，接著侍應就講下飲品啦，係任飲(包括橙汁、可樂、雪碧)，亦都係任食，醬汁就自己混，菜都係自己攞！個湯嚟到，都有三舊蕃茄，亦有幾舊薯仔啦，為了加強酸味，佢就加咗少少茄膏落個湯，新款湯都算合格同有創意！我估佢係為用洗少D碟，所以佢都盡量將所點的食物放在一隻碟上，食物質素都可以。肥牛就肥咗D，D手打丸就真係手打，最開心係佢有魚腐，正好可以索湯！而最差係魚腩，得一舊係魚腩，其他都只係魚骨！值得一讚係炸魚皮，佢一大袋咁買入，要幾多就自己攞幾多！又唔碎，仲好脆身添！依間沒有一般酒樓的嘈雜，又可以食下吹下水，再唔係睇電視，最緊要無人會吹你埋單，100淨1的價錢係可接受！