小曼谷泰國美食站

營業中

休息中

今日同朋友仔去咗銅鑼灣嘅一間泰國菜食晚飯，餐廳空間感十足，好多座位，卡位為主，木色系，平日都full咗一半，感覺呢間頗有人氣，有時仲會有live band，應該幾有氣氛。主食嘅選擇有好多款，我最鍾意乾炒河，雖然隨便去間餐廳都有得食，但九成九係得個油字，呢度做得幾有驚喜，有鑊氣，油量適中，又入味，食完都唔覺得口乾，味精唔多，正。另外幾鍾意呢度嘅炒菜，雖然份量唔多但勝在夠爽口，而且都幾新鮮。朋友話豬肉生菜包同炒飯好正，但個人就覺得有啲鹹，不過平時自己食開清淡嘅，所以先知會咁樣認為。甜品方面好推千層糕，淡淡斑斕香氣，QQ地，好可愛。椰汁西米糕就比較常見，椰味突出，都幾唔錯，性價比算高。