影片
更多
2018-09-30
505 瀏覽
圓善主食素，旁邊哥登堡主食肉，好攪鬼。返到屋企無咩胃口又唔知去邊到食飯，行到圓善，入去又睇吓有無驚喜先。由於唔太肚餓，所以點嘅餸唔多，無錫脆膳，竹笙三絲魚翅盅，圓善羅漢齋，乾燒伊麵。無錫脆膳夠脆夠甜但偏硬，口感好似炸厚芋頭條，之後，魚翅盅好重麻油味，飲哂成盅魚翅盅都係得一條六份一尾指甲噤大份嘅竹笙，不論口感，味道，顏色都同街邊碗仔翅毫無分別，唯一分別係落咗一塊仔竹笙。如果問我，煮羅漢齋要咩材料，我第一樣材料總會諗起粟米筍，偏偏眼前哩碟羅漢齋，就係無粟米筍，扣分係自己喜好問題，無計啦！食到哩到，唔對路喎！好熱呀！原來頭頂部冷氣機無開，唔該開開冷氣呀！慶幸乾燒伊麵煮得唔錯，爭取番唔少分，首先伊麵同一般粉麵檔嘅伊麵好唔同，麵條比較幼細，不論意大利粉嘅天使麵，幼細嘅米粉，我都比較中意幼細d嘅粉麵，所以眼前嘅伊麵對正我胃口，另外麵條亦比較彈牙，相信唔係一般來貨，可能同素食有關吧，唔能夠亂搵供應，而且伊麵夾起上黎唔會斷開哂麵條，成碟伊麵無多餘芡汁，掂。最後，雖然服務態度好好，每一碟嘅份量都偏少，今次幫襯就話唔肚餓啱啱好啫，下次肚餓我情願行前d食老麥嚕！
返到屋企無咩胃口又唔知去邊到食飯，行到圓善，入去又睇吓有無驚喜先。
由於唔太肚餓，所以點嘅餸唔多，無錫脆膳，竹笙三絲魚翅盅，圓善羅漢齋，乾燒伊麵。
無錫脆膳夠脆夠甜但偏硬，口感好似炸厚芋頭條，之後，魚翅盅好重麻油味，飲哂成盅魚翅盅都係得一條六份一尾指甲噤大份嘅竹笙，不論口感，味道，顏色都同街邊碗仔翅毫無分別，唯一分別係落咗一塊仔竹笙。
如果問我，煮羅漢齋要咩材料，我第一樣材料總會諗起粟米筍，偏偏眼前哩碟羅漢齋，就係無粟米筍，扣分係自己喜好問題，無計啦！
食到哩到，唔對路喎！好熱呀！原來頭頂部冷氣機無開，唔該開開冷氣呀！
慶幸乾燒伊麵煮得唔錯，爭取番唔少分，首先伊麵同一般粉麵檔嘅伊麵好唔同，麵條比較幼細，不論意大利粉嘅天使麵，幼細嘅米粉，我都比較中意幼細d嘅粉麵，所以眼前嘅伊麵對正我胃口，另外麵條亦比較彈牙，相信唔係一般來貨，可能同素食有關吧，唔能夠亂搵供應，而且伊麵夾起上黎唔會斷開哂麵條，成碟伊麵無多餘芡汁，掂。
最後，雖然服務態度好好，每一碟嘅份量都偏少，今次幫襯就話唔肚餓啱啱好啫，下次肚餓我情願行前d食老麥嚕！
36 瀏覽
0 讚好
0 留言
張貼
