小桃園餐廳小廚

營業中

休息中

昨日屯門碼頭落船，去左小桃園餐廳食煲仔飯。即叫即煲，等左20分鐘有得食，都值得既。68蚊唔貴，好抵食!當打開煲蓋，煲仔飯香氣撲鼻!第一淡食落口，又香又甜既豉油味，加埋小小飯焦，一流!呢間餐廳既煲仔飯，唔知點解比坊間既更香，更好味?D雞肉亦好新鮮有雞味，口感亦佳，似用新鮮雞煲出黎。另外杯凍檸茶亦係味道非常好，應該用左好靚既茶葉!呢杯茶亦係我有生之年飲過，最好味既凍檸茶!!!好味，好味，好好味!埋單78蚊，以呢個價錢有呢個質素既煲仔飯+凍檸茶，應該就快絕跡香港!坐我對面有對情侶，嗌左碟星洲炒米，亦都好香，幾有擭氣，下次搭船會過黎試下。