影片
更多
2014-01-09
2555 瀏覽
之前同一大班朋友試過Fat Angelo's嘅團購Lunch覺得幾唔錯，久別一排後終於再見到佢出同1Set團購，就約未試過嘅朋友一齊去食。結果點樣亂哂大龍，睇到最尾你就知。新鮮麵包 ，雖名為「新鮮」，但其實硬到成舊石咁，大概係要食客點湯食，但係我個餐湯勁遲上，結果食到一半決定放棄。蟹肉濃湯 ，蟹味濃郁，而且湯入面食得出有唔少蟹肉，的確好正，不過都係太•遲•上！意式風味冷盤 ，不過不失嘅頭盤，凍肉方面無咁好挑剔，比較意外嘅係哈蜜瓜確實幾甜，薯仔爽口，合格以上。波士頓龍蝦天使麵 ，上菜時只係微暖，明顯經已煮好放係入面一段時間，因為咁，醬汁同天使麵都有啲糊咗，好彩整體有少少辣味增加食慾，味道唔錯但熱著上更好。龍蝦只係合格水準。美國頂級熟成去骨牛肋排 ，點菜個時阿部長仲問我要幾成熟，咁我就答「Medium」，點知上台時又係一睇就覺得佢凍，一切驚見「Well-Done」，英文無理由會聽錯掛？肉老咗，自然齦，整體油感太高，唔合格。特濃朱古力餅配焦糖醬 ，剩係睇個名都知，甜上加甜，點解嗰時我會揀咗呢款？紐約芝士餅配雜莓 ，甜濃嘅芝士味配上雜莓醬，味道平衡得非常好！正！咖啡 ，不過不失嘅水準，無咩好講
新鮮麵包 ，雖名為「新鮮」，但其實硬到成舊石咁，大概係要食客點湯食，但係我個餐湯勁遲上，結果食到一半決定放棄。
蟹肉濃湯 ，蟹味濃郁，而且湯入面食得出有唔少蟹肉，的確好正，不過都係太•遲•上！
意式風味冷盤 ，不過不失嘅頭盤，凍肉方面無咁好挑剔，比較意外嘅係哈蜜瓜確實幾甜，薯仔爽口，合格以上。
波士頓龍蝦天使麵 ，上菜時只係微暖，明顯經已煮好放係入面一段時間，因為咁，醬汁同天使麵都有啲糊咗，好彩整體有少少辣味增加食慾，味道唔錯但熱著上更好。龍蝦只係合格水準。
美國頂級熟成去骨牛肋排 ，點菜個時阿部長仲問我要幾成熟，咁我就答「Medium」，點知上台時又係一睇就覺得佢凍，一切驚見「Well-Done」，英文無理由會聽錯掛？肉老咗，自然齦，整體油感太高，唔合格。
特濃朱古力餅配焦糖醬 ，剩係睇個名都知，甜上加甜，點解嗰時我會揀咗呢款？
紐約芝士餅配雜莓 ，甜濃嘅芝士味配上雜莓醬，味道平衡得非常好！正！
咖啡 ，不過不失嘅水準，無咩好講。
檸檬茶 ，都係一般嘢，不過咁切嘅檸檬，我想問下應該點篤？
題外話/補充資料：
相信有睇哂上面嘅朋友都會感覺到有啲「火」，其實之前嚟嗰一次團購一切好好完美，食物、環境、服務可謂一等一，不過今次再戰真係大失所望，一嚟超級難Book，餐廳甚至要將個團購限期壓後（我20號到期都Book唔到，佢放延到25為止）。
之後食物水準大跌，之前熱辣辣上台，今次凍哂，有人可能會問我點解唔叫佢換，因為我知道佢當日所有團購都係一次煮，就算換咗都差無幾。
最重要嘅係，上菜次序，西餐嘅上菜次序其實好有意思，但我呢餐卻係 餐包 > 餐飲 > 波士頓龍蝦天使麵 > 意式風味冷盤 > 美國頂級熟成去骨牛肋排 > 蟹肉濃湯 > 甜品 ，就咁睇著幻想下你應該都知有咩問題。
雖然今次真係中大伏，不過我仍然會繼續嚟嘅，畢竟佢嘅環境同食物水準的確係高。
(以上食評乃用戶個人意見 , 並不代表OpenRice之觀點。)
張貼
