Das Gute (已結業)

餐廳環境都算尚可啦! 價錢都可以接受嘅，但午飯嘅時候個餐廳好少人。。。。。。裝修一般。沙律太凍， 湯唔夠熱。好多小龍蝦仔，但係唔新鮮嘅，有雪味，芝士味都幾濃，但食完之後好飽好滯。薯條過咗氣 ，牛肉一般。菇係炸過嘅， 但係個汁太鹹喇! 店員仲話你要同廚師講唔好落咁多鹽， 試問第一次食又點會知廚師落得咁多鹽吖?麵包都幾脆，多提子，不過牛油咁樣畀法好浪費。 檸水苦嘅，檸檬冇味。食物要好,環境要好,服務好係最........重要。